Նոպէլեան Մրցանակակիրները Դասախօսութիւններ Կարդացած եմ Հայաստանի Գիտական Հանրութեան Համար

0
152

Նախօրէին Մատենադարանի նորակառոյց մասնաշէնքի դահլիճին մէջ տեղի ունեցած է  “Երիտասարդ կենսաբաններու ընկերակցութիւն” ՀԿ հրաւէրով ՀՀ գտնուող Նոպէլեան մրցանակակիրներ Թիմ Հանթի (Մեծ Բրիտանիա) եւ Մարթին Չալֆիի (ԱՄՆ) հանրային դասախօսութիւնները «Քաղցկեղի հիմնախնդիրը» եւ «Կանաչ ֆլոուրեսցենդային սպիտակուց` լուսաւորելով կեանքը» թեմաներով: Այս մասին կը յայտնեն դասախօսութիւններու կազմակերպիչ «Երիտասարդ կենսաբաններու ընկերակցութիւն» ՀԿ-ի մամուլի ծառայութենէն: Ձեռնարկին աջակցած են նաեւ ԿԳՆ Գիտութեան պետական կոմիտէն, Հայաստանի երիտասարդական հիմնադրամը, «Թուֆենկեան» հիւրանոցներու ցանցը եւ Մատենադարանը:

Աշխարհահռչակ գիտնականները ներկայացուցած են գիտութեան վերջին նուաճումները կենսաբանութեան բնագաւառին մէջ: Դասախօսութիւններուն ներկայ եղած են  գիտահետազօտական ուսումնարաններու եւ համալսարաններու շուրջ 200 գիտաշխատողներ, երիտասարդ գիտնականներ եւ ուսանողներ: Դասախօսութիւններու աւարտին մասնակիցները հնարաւորութիւն ստացած են քննարկելու իրենց յուզող հարցերը Նոպէլեան մրցանակակիրներու հետ:

Աղբիւրին համաձայն, նոյն օրը երեկոյեան, ՀՀ նախագահի բարձր հովանաւորութեամբ իրականացուող երիտասարդ գիտնականներու աջակցութեան ծրագիրին աջակցութեամբ, տեղի ունեցած է կլոր սեղան-քննարկում Նոպէլեան մրցանակակիրներու հետ` «Ինչպէս դառնալ յաջողակ գիտնական» թեմայով: Ձեռնարկին մասնակցած են երիտասարդ գիտնականներ եւ ուսանողներ տարբեր գիտական հիմնարկներէ: Նոպէլեան մրցանակակիրները իրենց օգտակար խորհուրդները տուած են երիտասարդ գիտնականներուն, թէ ինչպէս դիմել միջազգային դրամաշնորհներու եւ ուսումնական ծրագրերու, կիսուիլ փորձով եւ ներկայացուցած են գիտահետազօտական գործունէութեան ընթացքին յառաջացած խոչնդոտներու յաղթահարման իրենց բանաձեւը:

LEAVE A REPLY

Please enter your comment!
Please enter your name here