Սուրիոյ Հարցով՝ Իրան- Թուրքիա- Ռուսիա Եռակողմ Խումբ Պիտի Ստեղծուի

0
140

 Սուրիոյ հարցով Իրանի, Թուրքիոյ եւ Ռուսաստանի մասնակցութեամբ եռակողմ ձեւաչափով խումբ պիտի ստեղծուի: Այս մասին՝ ըստ «panorama.am»-ի՝ կը հաղորդէ իրանական «Մեհր» լրատուական գործակալութիւնը:

Հաղորդագրութեան համաձայն՝ Ռուսիոյ փոխարտաքին գործոց նախարար, նախագահ Վլատիմիր Փութինի` Միջին Արեւելքի հարցերով յատուկ բանագնաց Միխայիլ Պոկտանով Գահիրէի մէջ լրագրողներու հետ հանդիպման ժամանակ յայտարարած է, որ Մոսկուա համաձայն է Սուրիոյ հարցով Ռուսաստանի, Իրանի եւ Թուրքիոյ մասնակցութեամբ եռակողմ ձեւաչափով խումբ ստեղծելու գաղափարին հետ:

Միխայիլ Պոկտանով աւելցուցած է, որ Ռուսիա՝ Սուրիոյ հարցով այլ ձեւաչափով խումբերու ստեղծման դէմ չէ:
Իրանական աղբիւրը նաեւ նշած է, որ ՌԴ ԱԳ նախարար Սերկէյ Լաւրով նախօրէին Գահիրէի մէջ հանդիպում ունեցած է Արաբական Լիկայի  գլխաւոր քարտուղար Նապիլ  Արապիի եւ Սուրիոյ հարցով ՄԱԿ-ի յատուկ բանագնաց Լախտար Իպրահիմիի հետ:

Յիշեցնենք, որ Հոկտեմբերին Թուրքիոյ վարչապետ Ռեճէպ Թայիփ Էրտողան Պաքուի մէջ կայացած «ԷՔՕ»-ի համաժողովի ծիրէն ներս Իրանի նախագահ Մահմուտ Ահմատինեճատին առաջարկած էր սուրիական խնդրի հանգուցալուծման առնչութեամբ ստեղծել եռակողմ ձեւաչափով կոմիտէ, ուր կրնան կամ Իրանը, Թուրքիան եւ Եգիպտոսը կամ Իրանը, Թուրքիան եւ Ռուսաստանն ընդգրկուած ըլլալ:

LEAVE A REPLY

Please enter your comment!
Please enter your name here