Արաբական Երկրները Կը Ցանկանում Մեծցնել Հայաստանէն Հանքային Ջուրի Ներկրման Ծաւալները

0
133

ՀՀ փոխվարչապետ, տարածքային կառավարման նախարար Արմէն Գէորգեան արաբական Միացեալ Էմիութիւններու մէջ հանդիպած է ԱՄԷ շրջակայ միջավայրի եւ ջրային հարցերու նախարար Ռաշիտ պըն Ահմատ Ֆահտի հետ: Անոր ղեկավարած գերատեսչութիւնը կը համակարգէ գիւղատնտեսութեան, բնապահպանութեան եւ ջրային պաշարներու ոլորտներու աշխատանքները: Ըստ «Արմէնփրես»-ի՝ Տարածքային կառավարման նախարարութեան հասարակայնութեան հետ կապերու վարչութենէն մը տեղացուցած են, որ կողմերը քննարկած են համագործակցութեան զարգացման առնչուող հարցեր, մասնաւորապէս` անդրադարձած են ջրային պաշարներու կառավարման ոլորտին մէջ հնարաւոր փոխգործակցութեան:

Փոխվարչապետը նշած է, որ Հայաստանի մէջ ջրային պաշարներու արդիւնաւէտ կառավարման խնդիրները կառավարութեան ուշադրութեան կեդրոնին կը գտնուին: Ան տեղեկութիւններ ներկայացուցած է Հայաստանի մէջ խմելու ջուրի կառավարման համակարգի մասին` միաժամանակ ընդգծելով, որ հետաքրքիր պիտի ըլլայ ուսումնասիրել այդ ոլորտի Էմիրութիւններու փորձը:

ԱՄԷ պաշտօնեան իր հերթին հայկական կողմին հրաւիրած է մասնակցիլ գալիք տարի Ապու Տապիի մէջ կայանալիք ջրային պաշարներու կառավարման խնդիրներուն նուիրուած համաժողովին: Փոխվարչապետը ատիկա լաւ հնարաւորութիւն համարած է փորձի, գիտելիքներու փոխանակման եւ  փոխգործակցութեան հարցերու քննարկման առումով:

Զրուցակիցները իբրեւ յաջող գործակցութեան օրինակ նշած են Ապու Տապիի զարգացման հիմնադրամի  ֆինանսաւորմամբ «Արփա- Սեւան» փապուղիի վերականգնողական ծրագիրը:

Կողմերը անդրադարձած են նաեւ գիւղատնտեսութեան, գիւղմթերքի արտահանման ոլորտին մէջ համագործակցութեան: Երկուստէք նշուած է, որ հայկական գիւղմթերքը, վերամշակող ձեռնարկութիւններու արտադրանքը մեծ պահանջարկ կրնայ ունենալ ԱՄԷ շուկային համար: Անդրադարձ եղած է նաեւ Հայաստանի մէջ ոչխարաբուծութեան զարգացման հեռանկարներուն եւ մսամթերքի արտահանման հնարաւորութիւններուն:

Փոխվարչապետը տեղեկութիւններ ներկայացուցած է Հայաստանի մէջ սնունդի անվտանգութեան ոլորտին մէջ իրականացուող աշխատանքներուն մասին` նշելով, որ կառավարութիւնը արտահանուող սնունդի որակին հետ կապուած խնդիրներուն մեծ ուշադրութիւն կը դարձնէ: Այդ ուղղութեամբ համապատասխան ծրագիրներ մշակուած են եւ կ’իրականացուին Եւրոմիութեան հետ:

Արձանագրուած է, որ Հայաստանէն ներկայիս Ամէ արտահանուող գիւղմթերքը` հիմնականօրէն սունկ եւ հատապտուղները, հետաքրքրութիւն կը ներկայացնեն տարածաշրջանի այլ երկիրներու շուկաներուն համար, ինչպէս նաեւ անհրաժեշտութիւն կայ աւելցնել խմելու եւ հանքային ջուրի արտահանման ծաւալները: Զրուցակիցները քննարկած են նաեւ բնապահպանութեան ոլորտի համագործակցութեան հնարաւորութիւնները:

Պայմանաւորուածութիւն ձեռք բերուած է կազմել աշխատանքային խումբ` փոխադարձ հետաքրքրութիւններու ոլորտներուն մէջ համագործակցութեան հնարաւորութիւնները ուսումնասիրելու, ճշգրիտ ծրագիրներ մշակելու եւ յառաջիկայ ամիսներուն կողմերուն առաջարկելու համար:

Փոխվարչապետը ԱՄԷ շրջակայ միջավայրի եւ ջրային հարցերու նախարարը հրաւիրած է Հայաստան` համագործակցութեան հնարաւորութիւններուն տեղւոյն վրայ ծանօթանալու համար:

 

LEAVE A REPLY

Please enter your comment!
Please enter your name here