Բանակցութիւններու Նոր Փուլ` Եւրոմիութեան Հետ Վիզային Վարչակարգը Վերացնելու Նպատակով

0
128

«Եւրոմիութեան կողմից Հայաստանին իւրաքանչիւր տարի յատկացուող պիւտճետային օգնութիւնը նպատակաուղղուած է ՀՀ-ԵՄ գործողութիւնների ծրագրի օժանդակութեանը: 2011-2013-ին ազգային ինտիքաթիւ (յատկանշական) ծրագրով Հայաստանին ԵՄ-ի յատկացումների ծաւալը հասնում է 157 միլիոն եւրոյի, որը ներառում է նաեւ Հայաստանի պետական հաստատութիւնների կարողութիւնների ամրապնդման համար նախատեսուած 32 միլիոն եւրօ»,- Ազգային ժողովի մշտական յանձնաժողովներու Նոյեմբեր 5-ի համատեղ նիստի ընթացքին յայտնած է ՀՀ արտաքին գործոց նախարար Էտուարտ Նալպանտեան` աւելցնելով, որ, գնահատելով Հայաստանի մէջ բարեփոխումներուն ուղղուած ջանքերը, ԵՄ-ն որոշած է լրացուցիչ 15 միլիոն եուրօ յատկացնել Հայաստանին: ِԱյս մասին կը հաղորդէ «pastinf0.am» կայքը:

«Մենք մեծ կարեւորութիւն ենք տալիս Եւրոպական Միութեան հետ յարաբերութիւնների շարունակական խորացմանը: Վերջին շրջանում զգալիօրէն ընդլայնուել է Հայաստան-ԵՄ համագործակցութեան շրջանակը: Ներկայումս ԵՄ-ի հետ մեր յարաբերութիւններում առկայ է բաւական բարձր տինամիկա, նշանակալիօրէն աշխուժացել են բարձր մակարդակի քաղաքական երկխօսութիւնը եւ բարձրաստիճան փոխայցելութիւնները»,- յայտնած է նախարարը:

Անոր գնահատումով, զգալի յառաջընթաց արձանագրուած է Հայաստան-ԵՄ ընդելուզման համաձայնագրի շուրջ Յուլիս 2010-էն մեկնարկած բանակցութիւններուն մէջ: «Ներկայ դրութեամբ բանակցուել եւ ժամանակաւորապէս փակուել են ապագայ համաձայնագրի ոլորտային համագործակցութեանն առնչուող թուով 29 գլուխներից 28-ը»,-նշած է նախարարը:

Է. Նալպանտեան յայտնած է նաեւ, որ խոր եւ համապարփակ ազատ առեւտուրի գօտի ստեղծելու վերաբերեալ բանակցութիւնները մեկնարկած են ընթացիկ տարուան Յունիսին, եւ երկու փուլերու արդիւնքով արդէն որոշակի յառաջընթաց արձանագրուած է: Աւարտուած են վիզային վարչակարգի դիւրացման եւ վերընդունելութեան համաձայնագրի շուրջ բանակցութիւնները, որոնք նախաստորագրուած են Հոկտեմբեր 18-ին: Անոնք, ըստ ձեռք բերուած նախնական պայմանաւորուածութեան, կը ստորագրեն մօտակայ ժամանակաշրջանին` Պրիւքսէլի մէջ կայանալիք Հայաստան-ԵՄ համագործակցութեան խորհուրդի նիստի ծիրէն ներս:

Վիզային վարչակարգի դիւրացման համաձայնագիրով ԵՄ երկիրներ պարզեցուած մուտք կը նախատեսուի ՀՀ շարք մը դասակարգի քաղաքացիներու, մասնաւորապէս` գիտնականներու, ուսանողներու, լրագրողներու, մարզիկներու եւ արուեստի գործիչներու, ԵՄ երկիրներուն մէջ գործող սփիւռքի կառոյցներու հրաւէրներով մեկնող քաղաքացիներու, պաշտօնական պատուիրակութիւններու անդամներու եւ այլոց համար:

Նախարարը յայտնած է, որ այս համաձայնագրին ուժի մէջ մտնելէն ետք՝ կը նախատեսուի բանակցութիւններու նոր փուլ սկսիլ ԵՄ-ի հետ` ՀՀ քաղաքացիներու համար մուտքի վիզային վարչակարգի ազատականացման նպատակով, այսինքն` վերացնել վիզային վարչակարգը ԵՄ-ի հետ:

LEAVE A REPLY

Please enter your comment!
Please enter your name here