Երեւանի Մէջ Թարգմանիչներու եւ Հրատարակիչներու Համաժողով

0
130

  ՀՀ մշակոյթի նա­խա­րարութեան եւ ԱՊՀ մարդասիրական համագործակցութեան միջպետական հիմ­նա­դրամին աջակ­ցու­թեամբ` Նոյեմբեր 5-8 Երեւանի մէջ կ’իրականացուի Թարգմանիչներու եւ հրա­տա­րա­կիչներու 6-րդ միջազ­գա­յին համաժողովը` «Տեսութիւն եւ կիրառութիւն. անջրպետի յաղ­թա­հարում» խորագիրի տա: Այս մասին կը յայտնեն ՀՀ մշակոյթի նախարարութեան լրատուականէն:

Ըստ աղբիւրին` եռօրեայ համաժողովին ծիրէն ներս պիտի պիտի իրականացուի «Հեղինակային իրաւունքի ձեռք­բերում ու պաշտպանութիւն» թեմայով միջազգային սեմինար` Հրատարակիչներու մի­ջազ­գային ընկերակցութեան եւ Next page հիմնադրամի համագործակցու­թեամբ` մասնագիտական քննարկումներու առանցքին վրայ պահելով հեղինակային իրաւունքի հետ կապուած եւ այսօր ամբողջ աշխարհի մէջ արդիական բոլոր հարցերը: Սեմինարին, Հրատարակիչներու միջազգային ընկերակցութեան աջակցութեամբ պիտի մասնակցին յայտնի փորձագէտներ` Անտյէ Սորենսենը եւ Ռիչըրտ Պալգուիլը, որոնք պիտի ներկայացնեն հեղինակային եւ յարակից իրաւունքներու պաշտպանութեան եւ ձեռքբերման գործին մէջ արդի հիմնախնդիրները: Հայաստանեան փորձագէտները պիտի քննարկեն մեր երկրին մէջ առկայ իրավիճակը այս բնագաւառին մէջ` խնդիրներն ու մարտահրաւէրները: Այնուհետեւ, քննարկում պիտի ծաւալի անհրաժեշտ օրէնսդրական եւ գործնական փոփոխութիւններու շուրջ:

Համաժողովի աշ­խատանքային խումբերը պիտի իրականանայ երեք կլոր սեղան` «Թարգմանական արուեստի ուսուցման ժա­մա­նակակից մեթոտները», «Անյայտ գրականութիւններ. թարգմանական ու հրա­տա­րակ­չական փորձը», «Փոքր լեզուներու թարգմանութեան դժուա­րու­թիւն­ները» խորագրերով: Կլոր սեղաններու մասնակիցները պիտի խօսին հրատարակչական շուկայի եւ տպաքանակի գործօնի, թիրախային ընթերցողի վերհանման խնդիրի, գրականութեան տարածման եւ հանրայնացման գործին մէջ գրական գործակալի դերի, ոչ մեծ տարածում ունեցող լեզուներու թարգմանիչներու ուսուցման առանձանայատկութիւններու, ինչպէս նաեւ որոշ լեզուներու պարագային` նաեւ Սփիւռքի գործօնի մասին:

Միջազգային հաւաքի ծիրէն ներս իրականացած շնորհանդէսներու մէջ համաժողովի մասնակիցներուն պիտի ներկայացուի Ալեքսանդր Պոժգոյի «Յաւերժական շարժում» գիրքը` նուիրուած Միխայիլ Գոցիւպինսգիի եւ Սերգէյ Փարաջանովի ստեղծագործական առնչութիւններուն: Գոցիւպինսգիի ստեղծագործութեան հիմքին վրայ Քիեւի Տովժենգոյի անուան շարժանկարի արուեստանոցի Փարաջանովի նկարահանած «Մոռցուած նախնիներու ստուերները» շարժանկարը մեծ ճանաչում բերած է բեմադրչին եւ, ըստ էութեան, դարձած պոէթիք շարժանկարի լաւագոյն շարժանկարներէն մէկը: Գիրքի շնորհանդէսը տեղի պիտի ունենայ Փարաջանովի թանգարանին մէջ եւ պիտի անցնի «Միխայիլ Գոցիւպինսգի եւ Սերգէյ Փարաջանով. երկու հանճարներու հանդիպումըէ խորագիրին տակ:

Համաժողովին օրերուն յատուկ գրական-երաժշտական ծրագիրով ֆորումի մասնակիցներու գնահատման պիտի ներկայանան Վատիմ Մեսեացը, Թաթիանա Տանիլեանցը եւ Արեգ Միրզոյեանը: Համաժողովի տասնեակ քննարկումներու առանցքային թեմաներուն մէջ անդրադարձներ պիտի ըլլան նաեւ հայ ազգային թարգմանական մշակոյթի լաւագոյն աւանդոյթներուն եւ 3-րդ հազարամեակին անոնք ժամանակի նոր պահանջներուն համադրելու անհրաժեշտութեան»,- ըսուած է ՀՀ մշակոյթի նախարարութեան տարածած հաղորդագրութեան մէջ:

LEAVE A REPLY

Please enter your comment!
Please enter your name here