Երեւան Եւ Մոսկուա Կը Սերտացնեն Պաշտպանական Ոլորտի Մէջ Համագործակցութիւնը

0
134

  Հայաստանի եւ Ռուսաստանի կառավարութիւններուն միջեւ պիտի ստորագրուի պաշտպանական արդիւնաբերութեան ոլորտի կազմակերպութիւններու արտադրական եւ ճարտարագիտական համագործակցութեան մասին համաձայնագիր: Այս մասին կը հաղորդէ armenpress.am-ը` նշելով, որ համաձայնագրի նախագիծը ներառուած է գործադիրի Նոյեմբեր 8-ի նիստի օրակարգին մէջ:

Հիմնաւորման համաձայն` համաձայնագիրը ուղղուած է երկու երկիրներու պաշտպանական արդիւնաբերութեան ոլորտի կազմակերպութիւններու արտադրական եւ ճարտարագիտական համագործակցութեան ապահովման:

Համաձայնագիրին կնքումով պիտի ստեղծուին նպաստաւոր պայմաններ երկու երկիրներու միջեւ պաշտպանական արդիւնաբերութեան ոլորտին մէջ երկարաժամկէտ համագործակցութեան համար:

“Համաձայնագիրին ծիրէն ներս իւրաքանչիւր տարի ՌԴ-ի եւ ՀՀ-ի համապատասխան մարմիններու միջեւ պիտի համաձայնեցուին փոխադարձ առաքումներու վերաբերեալ առաջարկները, որ պիտի հեշտացնէ տեղական արտադրանքին մուտքը ՌԴ շուկայ, ինչպէս նաեւ վերջինիս արտադրանքի մուտքը Հայաստանի շուկայ: Նշուած գործընթացը կապուած է նաեւ Հայաստանի եւ Ռուսաստանի կազմակերպութիւններու միջեւ փոխադարձ առաքումներուն վերաբերեալ պայմանագրային պարտաւորութիւններու ժամանակին եւ պատշաճ կատարման անհրաժեշտութեամբ, որ իր հերթին կապուած է երկու երկիրներուն միջեւ ցանկերու համաձայնեցման գործընթացի արդիւնաւէտութեամբ”,- նշուած է հիմնաւորման մէջ:

ՀՀ տնտեսութեան նախարարութիւնը “Հայաստանի Հանրապետութեան կառավարութեան եւ Ռուսաստանի Դաշնութեան կառավարութեան միջեւ պաշտպանական արդիւնաբերութեան ոլորտի կազմակերպութիւններու արտադրական եւ ճարտարագիտական համագործակցութեան մասին” Համաձայնագիրին ստորագրումը կը համարէ նպատակայարմար:

LEAVE A REPLY

Please enter your comment!
Please enter your name here