Կ.Պոլսոյ Հայոց Պատրիարքարանը Թուրքիոյ Կառավարութենէն Պահանջած է Վերադարձնել Հայկական Եկեղեցիները

0
133

Կոստանդնուպոլսոյ հայոց պատրիարքարանը բազմաթիւ դիմումներ ուղարկած է Թուրքիոյ կառավարութեան` համայնքին չպատկանող հայկական եկեղեցիներու վերադարձին պահանջով: Այս մասին, ըստ Armenpress.am-ի, հաղորդած են Հայոց պատրիարքարանէն` աւելցնելով, որ գործող հայկական եկեղեցիները, որոնք կը գտնուին Թուրքիոյ տարածքին, կը պատկանին Կ. Պոլսոյ պատրիարքարանին եւ հայկական համայնքին:

“Թուրքիան, սակայն, համարձակութիւն չունի կատարելու պատրիարքութեան պահանջը, քանզի չի կրնար օժանդակել նոյնիսկ համայնքապատկան գործող եկեղեցիներուն: Պէտք է շեշտել այն հանգամանքը, որ Թուրքիոյ հայ համայնքը զոհողութիւններ յանձն կ’առնէ համայնքապատկան եկեղեցիներու նորոգման եւ բարեկարգման համար: Ցայտուն օրինակ է Տիգրանակերտի Սբ Կիրակոս եկեղեցին, որ համայնքապատկան է եւ հիմնովին նորոգուեցաւ, որուն համար, սակայն, հնարաւոր չեղաւ բաւարար օժանդակութիւն ապահովելու, եւ այժմ եկեղեցւոյ Ծխական խորհուրդը պարտքի մէջ է”,- յայտնած են Կ. Պոլսոյ Հայոց պատրիարքարանէն:

Թուրքիոյ հարաւ-արեւելեան հատուածին գտնուող Ամիտ (այժմեան Տիարպեքիր)  քաղաքին մէջ Նոյեմբեր 4-ին տեղի ունեցաւ հայկական Սուրբ Կիրակոս եկեղեցւոյ ամբողջական վանական համալիրին օծումն ու նոր պատարագը: Սուրբ Կիրակոս եկեղեցին 1980-էն ձգուած է բախտի քմահաճոյքին, սակայն Պոլսոյ մէջ ապրող տիարպեքիրցի հայերը ստեղծած են “Սուրբ Կիրակոս” հիմնադրամ` եկեղեցին վերանորոգելու համար: 2,5 միլիոն տոլար արժողութեամբ վերանորոգման ծախսերուն 70 տոկոսը իր վրայ վերցուցած է հայկական հիմնադրամը, իսկ 30-ը` Ամիտի քաղաքապետարանը:

 

LEAVE A REPLY

Please enter your comment!
Please enter your name here