Հայաստանի Դիւանագիտական Դպրոցը Մրցոյթ Յայտարարած է

0
144

  Հայաստանի արտաքին գործոց նախարարութեան դիւանագիտական դպրոցը (Հայաստանի դիւանագիտական դպրոց) կը յայտարարէ «Միջազգային յարաբերութիւններ եւ դիւանագիտութիւն» 2013-ի դասընթացի մասնակցութեան մրցոյթ: Այս մասին կը հաղորդեն ԱԳՆ մամուլի ծառայութենէն

Ընդունելութեան մրցոյթին կրնան մասնակցիլ բարձրագոյն կրթութիւն ունեցող, մինչեւ 30 տարեկան ՀՀ քաղաքացիներ, որոնք ստացած են ՀՀ կառավարութեան 2002 Փետրուար 3-ի N 121 որոշմամբ հաստատուած «Դիւանագիտական ծառայութեան պաշտօն զբաղեցնելու համար անհրաժեշտ բարձրագոյն կրթական մասնագիտութիւններու ցանկով» սահմանուած որակաւորում

Դասաւանդման լեզուներն են հայերէնը, անգլերէնը եւ ռուսերէնը: Նշուած լեզուներու գերազանց իմացութիւնը պարտադիր է: Դասընթացները կը վարեն ՀՀ ԱԳՆ բաձրաստիճան դիւանագէտները եւ արտերկրի յառաջատար համալսարաններէ հրաւիրուած բարձրակարգ դասախօսներ

Դասընթացը պիտի մեկնարկէ 2013 Փետրուարին եւ աւարտի 2013 Դեկտեմբերին: Ուսումը անվճար է:

Պահանջուող փաստաթուղթերու ցանկին կարելի է ծանօթանալ եւ դիմումին ձեւը բեռնել դիւանագիտական դպրոցի կայքէն`  http://www.diplomaticacademy.am/hy/ կամ http://www.diplomaticschool.am/hy/ հասցէներով:

LEAVE A REPLY

Please enter your comment!
Please enter your name here