Հիւլէակայանի Նոր Հատուածի Կառուցման Աշխատանքները Պիտի Համապատասխանեն ՀՈւՄԳ-ի Անվտանգութեան Պահանջներուն

0
113

  Հայաստանի կառավարութեան հաստատման պիտի ներկայացուի միջուկային հիւլէակայանի նոր հատուածի կառուցման նախագծային անվտանգութեան պահանջներուն մասին նախագիծը: Այս մասին կը տեղեկացնէ Armenpress.am-ը` նշելով, որ նախագիծը ներառուած է գործադիրի Նոյեմբեր 8-ի նիստի օրակարգին մէջ:

Հիմնաւորման համաձայն` նոր հիւլէակայանի կառուցումը հրամայական կը դարձնէ կառուցուող տեղակայանքին նկատմամբ անվտանգութեան պահանջներ սահմանելը, որ հիմք պիտի հանդիսանայ նաեւ նախագծման համար ճարտարագիտական պահանջներու ձեւակերպման, փորձաքննութեան իրականացման եւ կառուցման արտօնագիրի յայտի դիտարկան ժամանակ անվտանգութեան գնահատում իրականացնելու համար:

Որոշման ընդունմամբ միջուկային տեղակայանքի նախագիծին նկատմամբ պիտի սահմանուին անվտանգութեան պահանջներ, որոնք համահունչ են միջազգայնօրէն ընդունուած անվտանգութեան ապահովման նորագոյն մօտեցումներուն:

Որոշման կիրառման պարագային պիտի ապահովուի միջուկային նոր տեղակայանքի նախագծման եւ կառուցման համապատասխանեցումը Հիւլէական Ուժանիւթի Միջազգային Գործակալութեան անվտանգութեան պահանջներուն:

LEAVE A REPLY

Please enter your comment!
Please enter your name here