Արցախը Կը Շարունակէ Պատշաճօրէն Ներկայանալ Լոնտոնի World Travel Market-ին` Ի Հեճուկս Ատրպէյճանին

0
148

  Լոնտոնի մէջ Նոյեմբեր 5-ին մեկնարկած «World Travel Market» զբօսաշրջային միջազգային ցուցահանդէսին Հայաստանի Հանրապետութեան եւ Լեռնային Ղարաբաղի Հանրապետութեան մասնակցութեան վերաբերեալ Ատրպէճյանի մշակոյթի եւ զբօսաշրջութեան նախարարութեան յայտարարութիւնը հիւանդ երեւակութեան արգասիք է: Նման յայտարարութիւն տարածած է Հայաստանի ազգային մրցունակութեան հիմնադրամը:

Ատրպէճյանական կողմը տեղեկութեան խեղաթիւրուած յայտարարութիւն տարածած էր, որուն համաձայն` «համապատասխան միջոցներու ձեռնարկմամբ՝ պէտք է կասեցուէր մասնակից 7 զբօսաշրջային ընկերութիւններէն Արցախի մասնակցութիւնը, ինչպէս նախորդ անգամները»:

Հիմնադրամէն «Արմենփրես»-ին տրամադրած հաղորդագրութեան մէջ կը նշուի, որ ցուցահանդէսին ներկայացուած են ոչ թէ 7, այլ 11 հայկական զբօսաշրջային ընկերութիւններ, իսկ Արցախի մասնակցութեան դէմ նախապէս երբեք խոչընդոտ չէ եղած` չհաշուած ատրպէճանական աւանդական վայրահաչութիւնը եւ Փարիզի մէջ տաղաւարի վնասման փաստը, ինչ որ եւ արագ վերականգնուեցաւ:

«Լոնտոնի ցուցահանդէսին` հայկական միասնական տաղաւարին տակ Արցախի Հանրապետութիւնը կը շարունակէ ներկայացուած ըլլալ բնականոն կերպով: Ինչպէս միշտ, տաղաւարը կ’արժանանայ բարձր ուշադրութեան այցելուներու եւ մասնակիցներու կողմէ: Աւելին, ցուցահանդէսէն հայկական պատուիրակութեան պահանջով դուրս բերուած են ատրպէճյանական բոլոր տեսակի հակահայկական քարոզչական բնոյթի նիւթերը»:

LEAVE A REPLY

Please enter your comment!
Please enter your name here