Թուրքիա Կը Փափաքի Դիմել ՆԱԹՕ-ին` Սուրիոյ Սահմանին Հրթիռներ Տեղադրելու Նպատակով

0
119

  Թուրքիա կը շարունակէ ուղիներ փնտռել Սուրիա ներխուժելու համար. այս անգամ պաշտօնական Անգարան կը պատրաստուի պաշտօնական դիմում ներկայացնել ՆԱԹՕ-ին Սուրիոյ հետ սահմանին հրթիռներ տեղադրելու նպատակով: Այս մասին՝ կը տեղեկացնէ թրքական Sondakika.com կայքը՝ վկայակոչելով Reuters գործակալութիւնը:

Յենուելով դիւանագիտական աղբիւրներու վրայ` գործակալութիւնը նշած է, որ Թուրքիան ԱՄՆ-ի եւ իր միւս գործընկերներուն հետ քննարկած է «Սուրիոյ մէջ որոշ շրջաններ պաշտպանելու նպատակով այդ հրթիռները օգտագործելու հաւանականութիւնը»: Կը հաղորդուի նաեւ, որ հրթիռները պէտք է օգտագործուին Ասատի կողմէ սուրիացի ընդդիմադիրներուն դէմ հնարաւոր գործողութիւնները կանխելու նպատակով:

Reuters կը յայտնէ, որ Թուրքիոյ արտաքին գործոց նախարարութեան ներկայացուցչի խօսքերով` ծրագիրը միառժամանակ առկախուած էր ԱՄՆ նախագահական ընտրութիւններուն պատճառով եւ միայն ատոր արդիւնքերէն ետք կը նախատեսուի զայն գործի դնել:

LEAVE A REPLY

Please enter your comment!
Please enter your name here