Հալէպի Մէջ Պայթումի Հետեւանքով Եկեղեցին Մեծ Վնասներ Կրած է

0
121

Երէկ երեկոյեան «Ազդակ» հեռաձայնային հաղորդակցութիւն մը ունեցած է Բերիոյ թեմի Ազգային առաջնորդարանի բանբեր Ժիրայր Ռէյիսեանի հետ, որ յայտնած է, թէ վերջին օրերուն Հալէպի կեդրոնական շրջաններու քրիստոնէաշատ-հայաշատ թաղամասերը ընդհանրապէս մնացին համեմատաբար հանդարտ` շարունակուելով հանդերձ կարգ մը թաղերու մէջ արձակազէններու վտանգը եւ որեւէ տեղ անակնկալօրէն քանդող ու զոհեր խլող հրասանդի հրթիռներու պայթիւնները:

Վերջին տեղեկութիւններու համաձայն , երէկ պայթեցուած ռումբի պատճառով լրջօրէն վնասուած է Ճիտետիէի մօտիկ արաբ աւետարանական երիցական եկեղեցին:

«Առեւանգուած մեր ազգակիցներուն ազատ արձակման հարցը ցարդ կը մնայ անլոյծ, հակառակ Ազգային իշխանութեան շարունակուող ճիգերուն: Սակայն այս բոլորով հանդերձ գաղութը կը մնայ ամուր, համախմբուած` Ազգային առաջնորդարանին, առաջնորդ սրբազան հօր եւ ազգային պատկան մարմիններուն շուրջ` հաստատակամօրէն դէմ դնելով իր գոյատեւման շուրջ հարցականներ դնողներուն, այնքան ատեն, որ գաղութը կը վայելէ ամբողջական զօրակցութիւնը եւ անվերապահ աջակցութիւնը Մեծի Տանն Կիլիկիոյ կաթողիկոսութեան եւ անոր գահակալին` Արամ Ա. կաթողիկոսին, հայրենի պատասխանատուներուն, մայր հայրենիքէն աշխարհացրիւ սփիւռք մեր բոլոր ազգակիցներուն», ՙԱզդակ՚ին ըսած  Ժիրայր Ռէյիսեան:

LEAVE A REPLY

Please enter your comment!
Please enter your name here