Սերժ Սարգսեան Շնորհաւորական Ուղերձ Յղած է Նախագահ Պարաք Օպամային

0
130

  ՀՀ նախագահ Սերժ Սարգսեան այսօր շնորհաւորական ուղերձ յղած է Ամերիկայի Միացեալ Նահանգներու նախագահ Պարաք Օպամային` նախագահի պաշտօնին վերընտրուելուն առիթով: Այս մասին կը յայտնեն ՀՀ նախագահի մամլոյ գրասենեակէն:

 

Ուղերձին մէջ, մասնաւորապէս, ըսուած է.

 

«Մեծարգոյ պարոն նախագահ,

Սրտանց կը շնորհաւորեմ Ձեզ Ամերիկայի Միացեալ Նահանգներու նախագահի պաշտօնին վերընտրուելու առիթով:

Ձեր տպաւորիչ յաղթանակը ապացուցեց, որ այն ուղին, որ Դուք որդեգրած էք Միացեալ Նահանգները առաջ տանելու համար, ինչպէս նաեւ Ձեր վարած արտաքին եւ ներքին քաղաքականութիւնը, համահունչ են ամերիկեան ժողովուրդի մեծամասնութեան սպասելիքներուն:

Մենք շնորհակալ ենք այն աջակցութեան համար, որ Միացեալ Նահանգները շարունակաբար կը ցուցաբերէ Հայաստանին: Զիս մեծապէս կը գոհացնէ այն փաստը, որ Ձեր վերընտրուիլը թոյլ պիտի տայ շարունակելու աշխոյժօրէն զարգացնել եւ խորացնել հայ-ամերիկեան յարաբերութիւնները, որոնք մեր երկկողմ պատմութեան ողջ ընթացքին այս պահուն կը գտնուին ամենաբարձր մակարդակի վրայ: Համոզուած եմ, որ մեր բազմաբնոյթ համագործակցութիւնը նոր յաջողութիւններ պիտի արձանագրէ յառաջիկայ չորս տարիներուն ընթացքին` ի շահ մեր ժողովուրդներուն:

Մէկ անգամ եւս ընդունեցէք խնդրեմ, պարոն նախագահ, իմ ջերմ շնորհաւորանքները եւ լաւագոյն մաղթանքները»:

LEAVE A REPLY

Please enter your comment!
Please enter your name here