ՕՊԱՄԱ ՎԵՐԸՆՏՐՈՒԵՑԱՒ Մ. ՆԱՀԱՆԳՆԵՐՈՒ ՆԱԽԱԳԱՀ

0
124

 Պարաք Օպամա շահեցաւ  Միացեալ Նահանգներու  57-րդ նախագահական ընտրութիւնները եւ վերընտրուեցաւ  նախագահ:  Դեմոկրատ Օպամա պարտութեան մատնեց Հանրապետական  Միթ Ռոմնին: Վերջին  արդիւնքներուն համաձայն,   Օպամա ստացած է  303  քուէ, Ռոմնի՝  203:

Նախորդ  ընտրութիւններուն համեմատ, Օպամա  կորսնցուց միայն Ինտիանա եւ Հիւսիսային Գարոլայնա նահանգներու  ընտրութիւնները:

Նշենք, որ ԱՄՆ-ի մէջ նախագահ կ’ընտրուի այն թեկնածուն, որ կը ստանայ 538 պատուիրակի քուէէն 270-ը: Ընտրութիւնները կը կայանան «յաղթողը կը ստանայ ամէն ինչ» համակարգով, երբ թեկնածուն, որ կը հաւաքէ նահանգին մէջ ընտրողներու մեծամասնութեան ձայները, կը ստանայ տուեալ նահանգի պատուիրակներուն բոլոր քուէները: Պաշտօնապէս վերջնական արդիւնքները կը հրապարակուին նահանգներու ընտրական յանձնաժողովներուն մէջ բոլոր քուէաթերթիկներու հաշուարկէն, նահանգի կառավարութեան պետական քարտուղարին կողմէ այդ տուեալները ստուգուելէ ետք: Ատիկա կը կատարուի, սովորաբար ընտրութիւններէն քանի մը օր, նոյնիսկ քանի մը շաբաթ ետք:

Այնուհետեւ, Դեկտեմբեր 17-ին իւրաքանչիւր նահանգի ընտրողները կ’իրականացնեն իրենց քուէարկութիւնը, որուն ընթացքին ալ պաշտօնապէս կ’ընտրեն նախագահը: Ընտրողներու քուէարկութեան արդիւնքները Դեկտեմբեր 26-ին պիտի յանձնուին ԱՄՆ քոնկրէսին, իսկ 6 Յունուար 2013-ին Ուաշինկթընի մէջ պիտի հրապարակուի երկու պալատներու համատեղ յատուկ նիստին:

LEAVE A REPLY

Please enter your comment!
Please enter your name here