Թուրքիոյ Եւ ԱՄՆ-ի Յարաբերութիւնները Կը Սրին Ցեղասպանութեան 100-րդ տարելիցին պատճառով. Թուրք Փորձագէտ

0
152

Իսլամական աշխարհին մէջ միանշանակ չընդունուեցան ԱՄՆ նախագահական ընտրութիւններուն արդիւնքները: Թուրք քաղաքագէտ Թոլմա Թանիշ կը պնդէ, որ Պարաք Օպամայի վերընտրուելուն հետ անոր քաղաքականութիւնը Մերձաւոր եւ Միջին Արեւելքի մէջ էապէս պիտի չփոխուի, սակայն շտկումներ պիտի ըլլան: Մինչդեռ, փորձագէտները Թուրքիոյ եւ ԱՄՆ յարաբերութիւններու սրում կ’ակնկալեն, սակայն ոչ հիմա, եթէ իշխանութեան գար Ռոմնին, այլ՝ 3 տարիէն: Այս մասին կը հաղորդէ panarmenian.net կայքը:

Պատճառն այն է, որ 2015 թուականին Հայաստանը պիտի նշէ Թուրքիոյ կողմէ իրականցուած Հայոց Ցեղասպանութեան 100-ամեակը: Այն ժամանակ, ըստ Թանիշի՝ ԱՄՆ-ն պիտի չկարենայ զերծ մնալ այդ իրադարձութենէն եւ ճնշում պիտի գործադրէ Թուրքիոյ վրայ` պահանջելով ճանչնալ այդ ոճրագործութիւնը:

Միւս կողմէ, Սուրիոյ հարցով ԱՄՆ-ն եւ Թուրքիան դաշնակիցներ են, հակառակ որ Օպաման դէմ է հակամարտութեան ռազմական լուծումին, ինչպէս Թուրքիա-Սուրիա մասով, այնպէս ալ ներքին դիմակայութեան հարցով:

Պաշտօնական Եգիպտոսը յոյով է, որ «փոխշահաւէտ համագործակցութիւնը կը զարգանայ»: Այդ երկրի նախագահը, որ փաստացի «Մահմետական եղբայրներ»-ու առաջնորդն է, առաջիններէն մէկը շնորհաւորեց Օպաման` յայտարարելով, որ Եգիպտոսը յուսով է շարունակելու համագործակցութիւնը ԱՄՆ-ի հետ: Իր հերթին, եգիպտական իսլամիստական սալաֆիներու կուսակցութեան քաղաքական խորհուրդի անդամ Ալ Նուր Եունոս Մահիւնը յայտարարած է, որ Օպամայի վերընտրուիլը չարեաց փոքրագոյնն էր: Ըստ անոր, ԱՄՆ նախագահը, որ ալ ըլլայ, միշտ Իսրայէլի դաշնակիցն է, որ բազմակողմանի աջակցութիւն պիտի ցուցաբերէ այդ երկրին:

Իսրայէլի վարչապետ Նեթանիահու, հակառակ Օպամայի հետ իր յարաբերութիւններու սառնութեան, յոյս յայտնեց, որ համագործակցութիւնը պիտի զարգանայ:

Իրանը բաւական սառն արձագանգեց Օպամայի վերընտրուելու փաստին, ինչ որ զարմանալի չէ: Այաթոլլա Լարիճանի նշեց, որ ԱՄՆ-ն պէտք չէ նոր բանակցութիւններ ակնկալէ Թեհրանէն:

Ըստ անոր, Իրանի ժողովուրդին դէմ բոլոր ճնշումներէն, պատժամիջոցներէն եւ յանցագործութիւններէն ետք, խօսք չի կրնար ըլլալ կողմերու միջեւ յարաբերութիւններու կամ բանակցութիւններու մասին: Լարիճանին յիշեցուցած է, որ, առաջին անգամ ընտրուելով, Օպաման յայտարարեցած էր, որ համագործակցութեան ձեռք պիտի մեկնէ Թեհրանին, իսկ փոխարէնը պատժամիջոցներ սահմանեց, կը գրէ umma.org.ua-ն:

LEAVE A REPLY

Please enter your comment!
Please enter your name here