Լոյս Տեսած Է «Աստղագիտութիւն Դպրոցներու Համար» Խտասկաւառակը

0
167

Հայկական աստղագիտական ընկերութեան (ՀԱԸ) նախաձեռնած աստղագէտներու` Հանրապետութեան դպրոցներ կատարուող այցելութիւններու եւ աստղագիտական դասախօսութիւններու իրականացման համար պատրաստած եւ թողարկած է «Աստղագիտութիւն դպրոցներու համար» DVD խտասկաւառակ: Այս մասին կը հաղորդէ «Արմէնփրես»-ը՝ վկայակոչելով Հայկական աստղագիտական ընկերութիւնը: Խտասկաւառակը Հայաստանի դպրոցներու աստղագիտութեան ծրագիրերուն համար անհրաժեշտ նիւթերու հաւաքածու է: Հոն տեղ գտած են թուայնացուած տարբերակով 38 դասագիրքեր, խնդրագիրքեր, հանրագիտարաններ, տեղեկատուներ եւ այլ գիրքեր, ինչպէս նաեւ ամերիկեան «Աստղագիտութիւնը այսօր» միջնորդ դասագիրքը, աստղագիտական վարժութիւններ, աստղագիտական համակարգչային 16 հանրամատչելի ծրագիրներ:

Խտասկաւառակին մէջ ներառուած են նաեւ 1000-ի չափ լուսանկարներ, շարք մը շարժանկարներ, Բիւրականի աստղադիտարանին վերաբերեալ նիւթեր, խոշորագոյն գիտնական Վիքթոր Համբարձումեանի կողմէ եւ անոր մասին գրուած 14 գիրքեր, լուսանկարներ, անոր եւ Բիւրականի աստղադիտարանին մասին շարժանկարներ, 20 հայ աստղագէտներու կենսագրականներ, ինչպէս նաեւ «Տիեզերքի եռաչափ ատլաս» կոչուող հանրամատչելի CD խտասկաւառակը: DVD խտասկաւառակը կրնայ օգտագործուիլ ուսումնական եւ հանրամատչելի նպատակներով, պիտի տրամադրուի դպրոցներուն` յետագայ ազատ բազմացման եւ տարածման համար: Ան կրնայ նախադէպ դառնալ այլ առարկաներու գծով նման խտասկաւառակներ պատրաստելու համար:

LEAVE A REPLY

Please enter your comment!
Please enter your name here