Հենրիխ Մխիթարեան՝ Եւրոպայի Ամէնէն Ճանչցուած Ֆութպոլիստը

0
161

  Հայաստանի ֆութպոլի ազգային հաւաքականի կիսապաշտպան Հենրիխ Մխիթարեան ճանչցուած է Եւրոպայի ամէնէն ճանչցուած ֆութպոլիստ: Այս մասին ՝ըստ «Արմենփրես»-ի` կը հաղորդէ Ֆութպոլի պատմութեան եւ վիճակագրութեան ընկերակցութեան պաշտօնական կայքը: Իրականացուած հարցման արդիւնքով Մխիթարեան հաւաքած է 50310 ձայն եւ կը գլխաւորէ ամէնէն ճանչցուածներուն ցուցակը: Երկրորդ տեղը Պոսնիա-Հերցոկովինան ներկայացնող Էտին Տժեկոն է, իսկ եռեակը կ’եզրափակէ ալպանացի Լորիքա Քանա:

Մխիթարեան հրաշալի մարզավիճակի մէջ է եւ Ուքրանիոյ ընթացիկ առաջնութեան ընթացքին դարձած է 16 կոլի հեղինակ: Ան առանձին կը գլխաւորէ ռմբարկուներու ցուցակը: Ֆութպոլիստը իր ասպարէզը սկսած է Երեւանի Փիւնիկ-ի մէջ: Հայաստանի բազմակի ախոյեանի կազմին մէջ ֆութպոլիստը անցուցած է երեք ու կէս տարի` խաղալով 89 խաղ եւ մտցնելով 35 կոլ: Այդ ժամանակահատուածին Հենրիկ Մխիթարեան երեք անգամ դարձած է Հայաստանի Բարձրագոյն խումբի «Ոսկէ մետալակիր», մէկ անգամ արժանացած է Հայաստանի «Անկախութեան գաւաթ»-ին եւ երկու անգամ Յակոբ Տօնոյեանի անուան Սուփըր գաւաթին:

Փիւնիկ-ի եւ Հայաստանի ազգային հաւաքականին մէջ իր յաջող ելոյթներուն համար Մխիթարեան 2009 թուականին արժանացած է «Հայաստանի լաւագոյն ֆութպոլիստ» կոչումին: Յունիս 2009-ին ան երեք տարուան պայմանագիր կնքած է Տոնեցքի Մեթալուրկ ֆութպոլային ակումբին հետ, իսկ արդէն 30 Օգոստոս 2010-ին` հինգ տարուան պայմանագիր Տոնեցկի Շախտիոր-ի հետ: Վերջինիս կազմին մէջ Մխիթարեան հասցուցած է դառնալ Ուքրանիոյ ախոյեան եւ գաւաթակիր:

 

LEAVE A REPLY

Please enter your comment!
Please enter your name here