«Մահմետականներու Անմեղութիւնը» Շարժանկարի Արտադրողը Մէկ Տարուան Ազատազրկման Դատապարտուեցաւ

0
127

Գալիֆորնիոյ դատարանը աղմկայարոյց «Մահմետականներու անմեղութիւնը» շարժանկարի արտադրող Մարք Պեսլի Եուսուֆը (Նաքուլա Պեսլի Նաքուլա) դատապարտած է մէկ տարուան ազատազրկման, քանի որ վերջինս խախտած է պայմանական ազատման պայմանները: Այս մասին կը գրէ Panorama.am-ը` վկայակոչելով Reuters-ը:

Նաքուլա Պեսլի Նաքուլա 2011-ին 21 ամիսով դատապարտուած էր ազատազրկման` խարդախութեան համար, սակայն վաղաժամ ազատուած էր 2012 Յունիսին: Անոր ազատման պայմաններէն էր համացանցէն չօգտուիլը եւ առանց ոստիկանութեան իմացութեան իր մականունին կիրառումը:

Սեպտեմբեր 27-ին Եուսուֆը դարձեալ ձերբակալած են այդ խախտումներուն համար, մինչդեռ համացանցը ուղղակի պայթած էր «Մահմետականներու անմեղութիւնը» շարժանկարի պատկերներէն, իսկ իսլամական երկիրներու մէջ անցած էին ծաւալուն բողոքի շարժումներ:

LEAVE A REPLY

Please enter your comment!
Please enter your name here