«ՄԵՐ ՄԻԱԲԱՆՆԵՐՈՒՆ ՀԱՄԱՐ ՀԱՄԱԼՍԱՐԱՆԱԿԱՆ ՈՒՍՈՒՄԸ ՀՐԱՄԱՅԱԿԱՆ ԱՆՀՐԱԺԵՇՏՈՒԹԻՒՆ Է» Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ

0
130

Ն.Ս.Օ.Տ.Տ. Արամ Ա. Կաթողիկոսին համար, վարչական փորձառութեան ու նուիրեալ ծառայութեան կողքին միաբան հայրերու համալսարանական ուսումը կենսական է: Այս համոզումէն մեկնած Վեհափառ Հայրապետը կը շարունակէ քաջալերել ու լայն կարելիութիւններ ստեղծել երիտասարդ միաբաններուն, որպէսզի անոնք առաւելագոյն  չափով տիրանան բարձրագոյն ուսման:

            Ինչպէս անցեալին, այս շրջանին եւս շարք մը միաբաններ կը հետեւին համալսարանական ուսման: Այսպէս` Սահակ վրդ. Եմիշեան կը յաճախէ Թեսաղոնիկէի Արիստոտէլեան համալսարանը (Յունաստան), Գեղարդ վրդ. Օնթարիոյի Մեք Մասթըր համալսարանը (Գանատա), Հրանդ աբղ. Թահանեան Վէնքուվըրի աստուածաբանական համալսարանը (Գանատա), Մեսրոպ վրդ. Սարգիսեան Գասլիքի համալսարանը (Լիբանան): Նաեւ լեզուական յատուկ դասընթացքներու կը հետեւին հետեւեալ միաբանները` Թորգոմ վրդ. Տօնոյեան, Մասիս վրդ. Զօպույեան, Ղեւոնդ վրդ. Բէնդէզեան, եւ Պետրոս աբղ. Մանուէլեան` անգլերէն դասընթացքի, Արտակ աբղ. Արապեան` գերմաներէնի, իսկ Վարդան աբղ. Թաշճեան` ֆրանսերէնի:

Յայտնենք որ անցնող տարի, գործակցութեամբ Հայակազեան համալսարանին, անգլերէնի յատուկ դասընթացք մը կազմակերպուած էր երիտասարդ միաբաններուն:

 

LEAVE A REPLY

Please enter your comment!
Please enter your name here