Քրիստոնէական Համայնքները Պիտի Փակեն Երուսաղէմի Յարութեան Տաճարը, Եթէ Պետութիւնը Ջուրի Վարձքը Չվճարէ

0
153

  Երուսաղէմի Յարութեան տաճարի հնարաւոր փակման կրնայ յանգեցնել եկեղեցւոյ օգտագործած ջուրի վարձավճարին պարտքը. անիկա պէտք է վճարէ կառավարութիւնը, այլ` ոչ եկեղեցին: Այս մասին, ըստ Armenpress.am-ի, յայտարարած է Երուսաղէմի Սրբոց Յակոբեանց միաբանութեան անդամ Հայր Կորիւնը` աւելցնելով, որ իրականութեան մէջ Յարութեան տաճարը չէ փակուած, բայց այդպիսի մտադրութիւն կայ: «Յարութեան տաճարի պարտքը ջուրի դիմաց է: Ջուրը տաճարին մէջ կ’օգտագործուի խմելու, ինչպէս նաեւ կենցաղային  կարիքներու համար: Այդ ջուրերը, ընդհանրապէս` թէ’ Օսմանեան շրջանին, թէ’ Բրիտանական իրաւագիրին ժամանակ` միշտ եղած են անվճար, այսինքն եկեղեցին ազատ եղած է ջուրի դիմաց վճարելէն: Վերջին հինգ տարուան ընթացքին կառավարութիւնը ջուրը յանձնած է ընկերութեան մը, որ կը պահանջէ վճարել անոր դիմաց: Մենք` քրիստոնեաներս, դէմ ենք ատոր, եթէ ատիկա նոյնիսկ պէտք է վճարել, ուստի պէտք է ընէ պետութիւնը եւ ո’չ թէ եկեղեցին, որովհետեւ մենք ազատ եղած ենք վճարումէն»,- յայտնած է միաբանութեան անդամը:

 Հայր Կորիւնի խօսքով` անհամաձայնութիւն կայ քրիստոնէական համայնքներու, կառավարութեան եւ ջուր մատակարարող ընկերութեան միջեւ, եւ այդ անհամաձայնութիւնը վերացնելու համար սպառնալիք կայ, որ Յարութեան տաճարը պիտի փակուի: «Քրիստոնէական համայնքները կ’ըսեն, որ եթէ կառավարութիւնը այս հարցը պիտի չլուծէ եւ դարերով եկած այս որոշումը պիտի չպահէ, ուստի մենք` իբրեւ  բողոք, Սուրբ Յարութեան տաճարը պիտի փակենք եւ թող ամբողջ աշխարհը իմանայ, թէ ինչպիսի վերաբերմունք կայ: Բացի այդ, փաստօրէն, այդպիսով իրավիճակը նոյնպէս չի պահպանուիր»,- շեշտած է Հայր Կորիւն:

 

LEAVE A REPLY

Please enter your comment!
Please enter your name here