Անիի Սբ. Փրկիչ Եկեղեցւոյ Քարերը Արդէն Տանիք Ունին

0
147

  Հայոց Բագրատունի թագաւորութեան օրով Հայաստանի մայրաքաղաք հանդիսացած Անիի մէջ Սբ. Փրկիչ եկեղեցւոյ ամրացման աշխատանքները կիսատ մնացած են, հակառակ անոր, որ թրքական իշխանութիւնները յայտարարած էին, թէ մինչեւ Սեպտեմբեր 15 անոնք լիովին աւարտած պիտի ըլլան: Այս մասին կը հաղորդէ News.am-ը:

Ամիսներ առաջ թրքական մամուլի մէջ տեղ գտած հրապարակումները, թէ Անիի եկեղեցիները կը վերանորոգուին եւ ժամկէտ կը նշուէր, որ արդէն Սեպտեմբեր 15-ին անոնց վերանորոգումը աւարտած պիտի ըլլայ, պարզուեցաւ, որ չի համապատասխաներ իրականութեան:

Սեպտեմբեր 15-էն ալ մէկ ամիս անց կ’այցելես Անի ու կը տեսնես, որ ոչ միայն վերանորոգումը աւարտած եկեղեցի չկայ, այլ նոյնիսկ աւարտին չէ հասցուած ԱՄՆ կառավարութեան նիւթական աջակցութեամբ Անիի Սբ. Փրկիչ (Սուրբ Փրկիչ, Ամենափրկիչ) եկեղեցւոյ ամրացման աշխատանքները:

Կիսաւէր կանգնած Փրկիչ եկեղեցւոյ մօտ դեռ կանգուն են շինարարական աշխատանքներու համար նախատեսուած երկաթէ եւ փայտէ աշտարակները եւ եկեղեցւոյ արտաքին տեսքէն դժուար չէ հասկնալ, որ ամրացման աշխատանքները ըսուածին պէս Սեպտեմբեր 15-ին չեն հասցուած աւարտին:

Միակ մխիթարական հանգամանքը այն է, որ ամրացման աշխատանքներուն ժամանակ եկեղեցւոյ քարերը հաւաքուած են եւ դրուած տանիքներուն տակ, այսինքն` անձրեւէն եւ ձիւնէն որոշ չափով պաշտպանուած պիտի ըլլան:

 

 

LEAVE A REPLY

Please enter your comment!
Please enter your name here