Արաբական Լիկայի Գլխաւոր Քարտուղարը Սուրիոյ Թշնամիներուն Դաշնակիցն է. Սուրիոյ ԱԳՆ

0
109

 Սուրիոյ արտաքին գործոց նախարարութեան մամուլի քարտուղար Ճիհատ Մաքտսի յայտնած է, որ Արաբական Լիկայի գլխաւոր քարտուղար Նապիլ ալ Արապին կ’աջակցի Սուրիոյ հանդէպ թշնամաբար տրամադրուած երկիրներուն: Ան տարբեր պետութիւններու եւ ահաբեկչական կազմակերպութիւններու ներկայացուցած է Սուրիան քանդելու վերաբերեալ լիազօրագիր: Ինչպէս կը հաղորդէ «Արմենփրես»-ը` վկայակոչելով արաբական լրատուամիջոցները, Արապին աւելի առաջ յայտարարած էր, որ սուրիական ներկայ վարչակարգը երկար պիտի չգոյատեւէ:

Մաքտիսիի խօսքով` զարմանալի չէ, որ Արապին եւս մէկ անգամ հանդէս եկած է հակասուրիական յայտարարութիւններով: Ան նաեւ աւելցուցած է, որ Արապին թշնամի երկիրներու դաշնակիցն է եւ գործիք է անոնց ձեռքին:

Ալ Արապին նախապէս յայտարարած էր,  որ Սուրիոյ ներկայ վարչակարգը երկար պիտի չգոյատեւէ եւ ամէն վայրկեան կարելի է սպասել իրավիճակի փոփոխութեան:

Քաթարի մայրաքաղաք Տոհայի մէջ Նոյեմբեր 8-ին պէտք է ընտրուէր Սուրիոյ նոր ընդդիմութեան ղեկավարութեան կազմը, սակայն նախօրէին երեք ընդդիմադիր կազմակերպութիւններ հրաժարած են մասնակցելէ: Խնդիրները սկսած են այն ժամանակ, երբ Թուրքիա յայտարարած է, մտադիր է ՆԱԹՕ-ի հետ համաձայնեցնելով Սուրիոյ սահմանին հրթիռներ տեղադրել:

LEAVE A REPLY

Please enter your comment!
Please enter your name here