ԼՂՀ Պաշտպանութեան Բանակին Մէջ Ամփոփիչ Ստուգումներ եւ Նորամուծութիւններ

0
117

 ԼՂՀ ՊՆ, ՊԲ հրամանատար, զօրավար-հրամանատար Մովսէս Յակոբեան Նոյեմբեր 8-ին եւ 9-ին աշխատանքային շրջայց կատարած է հարաւային եւ հիւսիսային ուղղութեամբ գործող միաւորումներուն եւ ենթակայ զօրամասերու մէջ, հանդիպումներ ունեցած սպայական անձնակազմի եւ ժամկէտային զինուորական ծառայողներու հետ, ծանօթացած տեղերու մէջ ընթացող գործընթացներուն: Այս մասին կը յայտնեն ԼՂՀ ՊՆ մամուլի ծառայութենէն:

Հանդիպումներուն ընթացքին ՊԲ հրամանատարը խօսած է աւարտող ուսումնական տարուան խնդիրներէն, սպասուող ամփոփիչ ստուգումներէն, անձնակազմը ծանօթացուցած մարտական հերթապահութեան եւ զօրքերու կենսագործունէութեան միւս ուղղութիւններուն մէջ ակնկալուող այն նորամուծութիւններուն, որոնք միտուած են առօրեայ ծառայութեան արդիւնաւէտութեան բարձրացման ու արտակարգ որոշ պատահարներու ծնող պատճառներու վերացման: Մովսէս Յակոբեան նշած է նաեւ իւրաքանչիւր զօրամասի մէջ  արձանագրուած յառաջընթացի եւ դրական տեղաշարժերու մասին` ընդգծելով այսուհետեւ նոյն ոգիով շարունակելու անհրաժեշտութիւնը:

LEAVE A REPLY

Please enter your comment!
Please enter your name here