Նախագահ Սերժ Սարգսեան Պաշտօնական Այցով Պիտի Մեկնի Ֆրանսա

0
108

  Նախագահ Սերժ Սարգսեան Նոյեմբեր 11-ին եռօրեայ պաշտօնական այցով պիտի մեկնի Ֆրանսայի Հանրապետութիւն, կը տեղեկացնէ նախագահի լրատուական ծառայութիւնը:

Ըստ աղբիւրին՝ Սերժ Սարգսեան Փարիզի մէջ հանդիպումներ պիտի ունենայ Ֆրանսայի նախագահ Ֆրանսուա Օլանտի, վարչապետ Ժան-Մարք Էրոյի, Ազգային ժողովի նախագահ Քլոտ Փարթոլոնի, Ծերակոյտի նախագահ Ժան-Փիէռ Պէլի հետ: Կը նախատեսուի նաեւ հանդիպում Ֆրանսայի Ազգային ժողովի եւ Ծերակոյտի Ֆրանսա-Հայաստան բարեկամութեան պատգամաւորական խումբերու անդամներուն հետ:

Պաշտօնական այցի ծիրէն ներս նախագահ Սերժ Սարգսեան պիտի այցելէ նաեւ Լիոն, ուր հանդիպում պիտի ունենայ քաղաքապետ, ծերակուտական Ժերար Քոլոմպի հետ, այնուհետեւ Ֆրանսայի խոշորագոյն արդիւնաբերական շրջաններէն մէկուն` Ռոն-Ալպ շրջանի առեւտրա-արդիւնաբերական պալատին մէջ պիտի հանդիպի Ֆրանսայի գործարար համայնքի ներկայացուցիչներու հետ:

LEAVE A REPLY

Please enter your comment!
Please enter your name here