Նախարար Արմէն Գէորգեան Հանդիպած է Իրաքեան Քիւրտիստանի Վարչապետին Հետ

0
148

 ՀՀ փոխվարչապետ, Տնտեսական համագործակցութեան հարցերով  հայ-իրաքեան միջկառավարական համատեղ յանձնաժողովի համանախագահ Արմէն Գէորգեանի եւ Իրաքեան Քիւրտիստանի վարչապետ Նեչիրուան Իտրիս Պարզանիի` Նոյեմբեր 8-ին Էրպիլի մէջ կայացած հանդիպումին քննարկուած են առեւտրա-տնտեսական յարաբերութիւններու հաստատման եւ զարգացման հարցերը: Այս մասին կը հաղորդէ «Արմենփրես»-ը՝ վկայակոչելով ՏԿՆ հասարակայնութեան հետ կապերու բաժինը:

Կողմերը անդրադարձած են փոխգործակցութեան ուղղութիւններուն եւ հեռանկարային ոլորտներուն մասին: Երկուստէք արձանագրուած են, որ առկայ են համագործակցութեան լայն հնարաւորութիւններ` սկսած քարիւղակազային ոլորոտէն մինչեւ հայկական ապրանքատեսակներու արտահանում իրաքեան շուկայ:

Առանձնայատուկ կարեւորուած է ուժանիւթի, փոխարդամիջոցներու հաղորդակցութեան ոլորտներու մէջ գործակցութիւնը: Կողմերը նշած են նաեւ փոխայցելութիւններու կարեւորութիւնը, գործարար շփումներու խրախուսումը, ինչպէս նաեւ անհրաժեշտ իրաւապայմանագրային դաշտի ձեւաւորումը:

Անդրադարձ եղած է Տնտեսական համագործակցութեան հարցերով հայ-իրաքեան միջկառավարական համատեղ յանձնաժողովի աշխատանքներուն նաեւ Քիւրտիստանի կառավարութեան ներկայացուցիչներուն հաղորդակից դարձնելու հնարաւորութեան մասին:

LEAVE A REPLY

Please enter your comment!
Please enter your name here