Պոլսահայերը Բանտերուն Մէջ Հացադուլ Յայտարարած Քիւրտերուն Զօրակցութիւն Յայտնած Են

0
116

 Պոլսոյ մէջ բնակող խումբ մը հայեր բողոքի ցոյց իրականացուցած են` ի զօրակցութիւն թրքական բանտերուն մէջ հացադուլ յայտարարած քիւրտերուն: Ցյոցը տեղի ունեցած է «Ակօս» թերթի խմբագրութեան մօտ:

Այս մասին կը հաղորդէ «Արմենփես»-ը` վկայակոչելով թրքական «Տողան» լրատուական գործակալութիւն: Պոլսահայերը Թուրքիոյ կառավարութենէն պահանջած են քիւրտ բանտարկեալներու «մահացու հացադուլը» դադրեցնելու միջոցներ ձեռնարկել: Ցոյցին մասնակիցները իրենց ելոյթներուն մէջ արդարացի համարած են քիւրտերու` մայրենի լեզուով կրթութիւն ստանալու եւ այլ մշակութային պահանջները: Պոլսահայերը յայտարարած են, որ կը ցանկանան, որպէսզի «Թուրքիոյ մէջ ռազմական մթնոլորտը դադրի եւ շուտով խաղաղութիւն հաստատուի»:

Թուրքիոյ բանտերուն մէջ գտնուող 700-էն աւելի դատապարտեալներ արդէն երկու ամիսէ ի վեր հացադուլ յայտարարած են: Երէկուընէ անոնց միացած են նաեւ Թուրքիոյ խորհրդարանի միակ քրտական «Խաղաղութիւն եւ ժողովրդավարութիւն կուսակցութեան» պատգամաւորները: Թրքաբնակ քիւրտերը մշակութային ինքնավարութիւն կը պահանջեն Թուրքիոյ սահմաններուն մէջ:

LEAVE A REPLY

Please enter your comment!
Please enter your name here