Դեկտեմբեր 11-ին Պիտի Սկսի Հռոմ – Երեւան – Հռոմ Նոր Թռիչքը

0
110

 Ալիթալիա օդանաւի ընկերութեան թռիչքներու ցուցակը կը համալրուի եւս մէկով:

Դեկտեմբեր 11-ին պիտի իրականացուի Հռոմ – Երեւան – Հռոմ նոր թռիչքը: Այս մասին կը տեղեկացնղ ՙarmnews՚ հեռուստաալիքը։

Իտալիոյ Ֆիումիչինօ օդանաւակայանէն շաբաթական 2 անգամ Ա-320 օդանաւը կ’ուղեւորուի Երեւան: Ընկերութիւնը կ’երաշխաւորէ Բարձր որակն ու գերազանց սպասարկումը: Հայաստանի մօտ Իտալիոյ դեսպան Բրունօ Սկապինին վստահ է, որ նոր գործակցութիւնը անհրաժեշտութիւն էր Հայաստանի եւ Իտալիոյ կապերը աւելի ամրապնդելու համար:

Արդէն հաստատուած ձմեռնային թռիչքներու   ծրագիրին համաձայն,  Ալիթալիան պիտի սպասարկէ 78 ուղղութիւն, կ’ունենայ շաբաթական 4 200 թռիչք: Հռոմ- Երեւան – Հռոմ թռիչքի իրականացումը ուղեւորներուն հնարաւորութիւն պիտի ընձեռէ ճանապարհորդել Ալիթալիա ընկերութեան բոլոր երթուղիներով` տարանցիկ իջնելով Հռոմի Ֆիումիչինօ օդակայանի մէջ:
Թռիչքներու մեկնարկի առնչութեամբ ընկերութիւնը անակնկալ պատրաստած է: Երկկողմ տոմսի արժէքը դէպի Հռոմ կը սկսի 299 եուրոյին համարժէք դրամէն, այլ ուղղութիւններով` սկսեալ 349 եուրոյին համարժէք դրամէն: Տոմսերը կը վաճառէ Հայաստանի մէջ Ալիթալիոյ վաճառքի եւ ծառայութիւններու գլխաւոր գործակալ Ֆէստա թուր օդանաւի գրասենեակի մէջ:

LEAVE A REPLY

Please enter your comment!
Please enter your name here