Էրտողան Ինքզինք Օսմանեան Նոր Սուլթան Եւ Խալիֆա Կը Կարծէ. Պաշշար Ասատ

0
137

Սուրիոյ նախագահ Պաշշար Ասատ «RT» հեռուստատեսութեան ալիքի հետ հարցազրոյցին ընթացքին
պատասխանելով այն հարցումին, թէ որո՞նք թրքական հողամասերը կը ռմբակոծեն, կառավարական ուժե՞րը, թէ՞ ընդդիմադիր ուժերը, Սուրիոյ նախագահը ըսաւ, որ այդ մէկը գիտնալու համար պէտք է միացեալ հետաքննութիւն կատարուի եւ երկու բանակներուն միջեւ միացեալ յանձնախումբ մը կազմուի: «Սահմանին վրայ բազմաթիւ ահաբեկիչներ կան եւ հրասանդի հրթիռներ ունին, ուստի կրնան այդ մէկը կատարել, եւ մենք թրքական կառավարութենէն պահանջեցինք այդպիսի յանձնախումբ մը կազմել, սակայն մերժեց: Ուստի պատասխան չունինք»: «Երբ սահմանին վրայ այդ բոլոր ահաբեկիչները կան, կարելի չէ այդ մէկը բացառել: Սուրիոյ բանակը թրքական հողամասերը ռմբակոծելու հրամաններ չունի, որովհետեւ ատոր մէջ շահ չունինք», ըսաւ ան:

Ասատ ըսաւ, որ Թուրքիոյ` սուրիական ընդդիմութեան համար ապաստանարանի վերածուելուն պատճառը Թուրքիան կամ թուրք ժողովուրդը չեն, այլ` Էրտողանի կառավարութիւնը: «Էրտողան կը կարծէ, որ եթէ Իսլամ եղբայրները շրջանին մէջ, մասնաւորաբար Սուրիոյ մէջ իշխանութեան տիրանան, պիտի կարենայ իր քաղաքական ապագան ապահովել, ինչպէս նաեւ անձնապէս կը կարծէ, որ ինք օսմանեան նոր սուլթանն է եւ կրնայ շրջանին տիրել, ճիշդ ինչպէս Օսմանեան կայսրութեան ժամակաշրջանին էր, սակայն նոր պարունակի տակ: Եւ ան իր հոգիին խորքը կը կարծէ, թէ ինք խալիֆա է»:

 

LEAVE A REPLY

Please enter your comment!
Please enter your name here