Հայոց Ցեղասպանութեան Յուշարձան Սեւրի Մէջ

0
151

Ֆրանսայի Սեւր քաղաքին մէջ կը նախատեսուի Հայոց Ցեղասպանութեան յուշարձան կառուցել: Յուշարձանը պիտի տեղադրուի Սամուէլ Մուրատի գոլէճի շէնքին մէջ, որ կը պատկանի Մխիթարեաններու միաբանութեան: «Սեւր-2015» ընկերակցութեան կողմէ իրականացուող նախագիծը պիտի ներառէ նաեւ թանգարան, գիտահետազօտական կեդրոն եւ գոնֆերանս կեդրոն: Այս մասին, ըստ News.am-ի, կը հաղորդէ «Nouvelles d`Armenie»-ն:

Գիտահետազօտական կեդրոնը պիտի իրականացնէ ցեղասպանութիւններու եւ մարդկութեան դէմ կատարուած յանցագործութիւններու հետազօտութիւններ, ինչպէս նաեւ պիտի ուսումնասիրէ հայ համայնքի գոյութեան այլ կէտեր` քաղաքական, տնտեսական, հասարակական եւ մշակութային:

Համալիրին բացումը նախատեսուած է 2015-ին` Հայոց Ցեղասպանութեան 100-րդ տարելիցին առիթով:

«1920-ին այստեղ` Սեւրի մէջ կնքուած պայմանագիրը կը ներառէ խոստումներ, որոնք դեռ իրենց պտուղները չեն տուած: Շարունակելով մտաւոր եւ կրթական աշխատանքը, որոնք երեք դարերու ընթացքին կ’իրականացուին Մխիթարեաններու միաբանութեան կողմէ, մեր նախագիծը թոյլ պիտի տայ նորովի նայելու այդ universalism-ին, որ Ֆրանսայի հանճարն է եւ որուն մենք հաւատարիմ ենք»,-յայտարարած է «Սեւր-2015» ընկերակցութեան նախագահ Ժերար Կերկերեան:

LEAVE A REPLY

Please enter your comment!
Please enter your name here