Մինսքի Խմբակի Նախագահները Տարեկան Զեկոյց Կը Ներկայացնեն

0
129

ԵԱՀԿ Մինսքի խմբակի համանախագահներ Ժագ Ֆոր (Ֆրանսա), Ռապըրթ Պրատթքի (Միացեալ Նահանգներ), Իկոր Փոփով (Ռուսիա) եւ ԵԱՀԿի գործող նախագահի անձնական ներկայացուցիչ Անճէյ Քասփրչիք, Վիեննայի մէջ կառոյցի մնայուն խորհուրդին ներկայացուցած են իրենց տարեկան զեկոյցը:
ԵԱՀԿ-ի մամլոյ գրասենեակին համաձայն՝ համանախագահները ներկայացուցած են հակամարտութեան կողմերուն հետ իրենց անջատ ու համատեղ հանդիպումներու եւ տարածաշրջան կատարած իրենց այցելութեանց, ինչպէս նաեւ համանախագահող իւրաքանչիւր երկիրի հանդիպումներուն ու անցած Յունուարին Սոչիի մէջ կայացած Ռուսիոյ, Հայաստանի ու Ատրպէյճանի նախագահներու եռակողմ հանդիպման արդիւնքները:
Անոնք քննարկած են իրենց դերը՝ լարուածութիւնը մեղմացնելու եւ խախտումներու պարագային՝ իրավիճակին սրումը բացառելու աշխատանքին մէջ: Մասնաւորապէս նշուած է Քասփրչիքի լիազօրութեանց եւ տարածաշրջանին մէջ գտնուող անոր խումբի առաքելութեան կարեւորութիւնը:
Մնայուն խորհուրդին ներկայացուցած իրենց զեկոյցէն անկախ, համանախագահները անջատ հանդիպումներ ունեցած են Ուքրանիոյ եւ Զուիցերիոյ պատուիրակութիւններուն հետ՝ նկատի ունենալով այն իրողութիւնը, որ այդ երկիրները պիտի ստանձնեն ԵԱՀԿ-ի նախագահութիւնը:
Համանախագահները դարձեալ հակամարտութեան տարածաշրջան պիտի այցելեն Նոյեմբեր ամսուան ընթացքին, Դեկտեմբերին Իրլանտայի մէջ նախատեսուած ԵԱՀԿ-ի արտաքին գործոց նախարարներու հաւաքին ընդառաջ:

 

LEAVE A REPLY

Please enter your comment!
Please enter your name here