Ազգային Ժողովը Մերժեց «Հարսնաքար»-ի Գործով Յանձնաժողով Ստեղծելու Որոշման Նախագիծը

0
107

  ՀՀ Ազգային ժողովի Նոյեմբեր 12-ի օրակարգին մէջ ընդգրկուած են ինը հարցեր, որոնց վերաբերեալ համապատասխան գլխադասային մշտական յանձնաժողովները ներկայացուցած են դրական եզրակացութիւն:  «Արմենփրես»-ի հաղորդմամբ` օրակարգին եղած են նաեւ երեք հարցեր, որոնց վերաբերեալ համապատասխան գլխադասային մշտական յանձնաժողովները չեն ներկայացուցած դրական եզրակացութիւն:

ԱԺ որոշումով` մինչեւ մէկ տարիով յետաձգուեցաւ շարք մը օրէնսդրական նախաձեռնութիւնները, ներառեալ` «Լեռնային Ղարաբաղի հիմնախնդիրը զինուած հակամարտութեան վերածելու, էութիւնը նենգափոխելու Ատրպէյճանի պատասխանատուութեան մասին» յայտարարութիւնը, «Աուտիտորական (հաշուեքննչական) գործունէութեան մասին», «Շահութահարկի մասին», «Աւելցուած արժէքի հարկի մասին» ՀՀ օրէնքներուն մէջ լրացումներ կատարելու մասին, Պետական օժանդակութեան ուսումնական վարկերու մասին, «Պետական պարտքի մասին» ՀՀ օրէնքին մէջ փոփոխութիւններ եւ լրացումներ կատարելու, ՀՀ ընտրական օրէնսգիրին մէջ փոփոխութիւններ կատարելու մասին, հարցերու ընդգրկումը ՀՀ ԱԺ հինգերորդ գումարման երկրորդ նստաշրջանի օրակարգին:

ԱԺ-իՆոյեմբեր 12-ի նիստին քուէարկութեան դրուեցաւ «Կաշառակերութեան դրսեւորումներու եւ փաստերու վերաբերեալ հակակաշառակերութեան ժամանակաւոր յանձնաժողով ստեղծելու մասին» ՀՀ ԱԺ «Ժառանգութիւն» խմբակցութեան անդամներ Ռուբիկ Յակոբեանի, Զարուհի Փոստանջեանի, Ալեքսանդր Արզումանեանի, Խաչատուր Քօքոբելեանի նախաձեռնութիւնը:

ԲՀԿ խմբակցութեան քարտուղար Նայիրա Զոհրապեան ողջունած է նման յանձնաժողովի ստեղծման առաջարկը, սակայն նշած, որ ընդունելի չէ ձեւակերպումը` նման յանձնաժողովի անդամ կրնան ըլլալ «բացառապէս այն խորհրդարանական խմբակցութիւնները, որոնք ԱԺ կանոնակարգով կը յայտարարեն իրենց ընդդիմութիւն ըլլալու մասին»:

«ԲՀԿ-ն կողմ կը քուէարկի այս առաջարկութեանը, եւ եթէ խորհրդարանն իր քուէարկութեամբ, այդուհանդերձ, հարկ կը համարի քննարկել այն, ապ մենք գտնում ենք, որ որոշման մէջ պիտի փոփոխութիւն կատարուի եւ բոլոր խորհրդարանական խմբակցութիւնները, անկախ կանոնակարգի այդ դրոյթից օգտուելու իրենց լիազօրութիւնից, հնարաւորութիւն պիտի ունենան մասնակցելու նման իրապէս կարեւոր յանձնաժողովի աշխատանքներին»,- նշած է ան: Քուէարկութեան արդիւնքով, սակայն, այս առաջարկը մերժուած է:

ԱԺ-ի մէջ քուէարկութեան դրուած է նաեւ «Ժառանգութիւն» խորհրդարանական խմբակցութեան պատգամաւորներ Զարուհի Փոստանջեանի, Ալեքսանդր Արզումանեանի եւ Ռուբիկ Յակոբեանի հեղինակած` «Հարսնաքար»-ի գործով յանձնաժողով ստեղծելու որոշման նախագիծը: Ձայներու 35 կողմ, 70 դէմ եւ 1 ձեռնպահ յարաբերակցութեամբ ան մերժուած է:

LEAVE A REPLY

Please enter your comment!
Please enter your name here