Հալէպի Քաղաքապետն Ու «Պաաս» Կուսակցութիւնը Երախտագիտութիւն Յայտնած Են Հայերուն Մարդասիրական Օգնութեան Համար

0
120

Հալէպի մէջ արդէն սկսած են բաժնել հայաստանեան երրորդ մարդասիրական օգնութեան ծանրոցները: Սուրիացիներուն տրուող օգնութեան տրամադրումը կ’իրականացուի Հալէպի կարմիր մահիկի, Բերիոյ թեմի ազգային առաջնորդարանի, ինչպէս նաեւ Հալէպի շտապ օգնութեան մարմնի եւ Սուրիոյ մէջ Հայաստանի դեսպանութեան համագործակցութեամբ:

Այս մասին կը հաղորդէ «Արմէնփրես»-ը` վկայակոչելով սուրիական ՍԱՆԱ գործակալութիւնը: «Պաաս» կուսակցութեան Հալէպի մասնաճիւղի քարտուղար Հիլալ Հիլալ նշած է, որ սուրացիները բարձր կը գնահատեն հայերու կողմէ կատարուած այս մարդասիրական քայլը, ինչ որ կ’ապացուցէ հայ-սուրիական շատ սերտ համագործակցութիւնը:

Հալէպի քաղաքապետ Մուհամմատ Ուահիտ Աքքատ իր հերթին նշած է, որ հայկական մարդասիրական օգնութիւնը ցոյց կու տայ խոր բարեկամական եւ եղբայրական յարաբերութիւններու առկայութիւնը սուրիացի եւ հայ ժողովուրդներու միջեւ` աւելցնելով, որ սուրիացիները երբեք պիտի չմոռնան այս օգնութիւնները:

Հայաստանէն Սուրիա մարդասիրական օգնութեան երրորդ օդանաւը Հալէպ հասած է Նոյեմբեր 8-ին: «Օգնիր եղբօրդ» նախաձեռնութեամբ Հոկտեմբեր 15-ին «էյր Արմէնիա» բեռնատար օդանաւով Սուրիա ուղարկուած էր առաջին օգնութիւնը` 15 թոն բեռ: Հոկտեմբեր 22-ին «Սուրիական օդանաւային ընկերութիւն»-ը Երեւան-Հալէպ թռիչքով Սուրիա տեղափոխուած էր մօտ երկու թոն մարդասիրական օգնութիւն, ներառեալ` առաջին անհրաժեշտութեան դեղորայք, իսկ Նոյեմբեր 8-ին` կրկին «էյր Արմէնիա»-ն Սուրիա տեղափոխած էր 13 թոն մարդասիրական օգնութիւն:

 

LEAVE A REPLY

Please enter your comment!
Please enter your name here