Հայաստանը Մեծ Երկիր Չէ, ԵՄ Մուտքի Վիզաներու Տրամադրման Գործընթացը Արագ Պիտի Ընթանայ. Թրայան Հրիստէա

0
124

  Հայաստան ժամանած է Եւրոմիութեան խորհրդատուական խումբը` դեսպան Թրայեան Հրիստէայի գլխաւորութեամբ: Պատուիրակութեան նպատակը Հայաստանի համար ԵՄ մուտքի արտօնագիրներու տրամադրման գործընթացի պարզեցման մասին լրացուցիչ տեղեկութիւններ տրամադրելն է:

«Հայաստանը մեծ երկիր չէ, եւ գործընթացը համեմատաբար դիւրին եւ արագ պիտի ընթանայ», – ըսած է Թրայան Հրիստէա` անդրադառնալով քանի մը երկրներու մէջ նոյն գործընթացի ձգձգումին:

ԱԳՆ ԵՄ բաժնի պետ Մհեր Մարգարեանի խօսքով` կենսաչափական անձնագիրներու մասով համաձայնագրին մէջ որեւէ կէտ չէ ներառուած:

«Բայց այդ անձնագրերով ճամբորդելը յետագայում հնարաւոր է աւելի հեշտ լինի», -ըսած է ան:

ԱԳ փոխնախարար Զոհրապ Մնացականեանի խօսքով` համաձայնագրի ստորագրումը կը նախատեսուի Դեկտեմբերին, վաւերացման գործընթացը քիչ մը աւելի երկար կը տեւէ, պիտի  ստեղծուի համատեղ կոմիտէ` դիտարկման նպատակով, պիտի սահմանուի վիզաներու ստացման համար անհրաժեշտ լրացուցիչ փաստաթուղութերու միասնական ցանկը:

ԵՄ եւ Հայաստանը մուտքի արտօնագրերու դիւրացման համաձայնագրին շուրջ բանակցութիւնները նախաստորագրուած են Հոկտեմբեր 18-ին, Պրիւքսէլի մէջ: Համաձայնագրի նպատակն է դիւրացնել ՀՀ քաղաքացիներուն կարճաժամկէտ մուտքի արտօնագրերու տրամադրման գործընթացը (մինչեւ 180 օր մնալու համար): Այս համաձայնագիրով մուտքի արտօնագիրներու վճարը պիտի նուազի մինչեւ 35 եուրօ` բոլոր քաղաքացիներուն համար: Որոշ խումբերու համար (աշակերտներ, ուսանողներ, գիտաշխատողներ, լրագրողներ եւ այլն) պիտի պարզեցուին ճամբորդութեան նպատակը հիմնաւորող փաստաթուղթերը: Պիտի կրճատուին բոլոր տեսակի մուտքի արտօնագիրներու ուսումնասիրութեան համար պահանջուող ժամկէտները:

 

LEAVE A REPLY

Please enter your comment!
Please enter your name here