Հայաստան Ջաւախքին Ցուցաբերուող Պետական Աջակցութիւնը Պէտք Է Աւելցնէ

0
105

Աղաւնաձորի մէջ Նոյեմբեր 9-12 տեղի ունեցաւ «Հայապահպանութիւնը իբրեւ պետութեան հիմնասիւն» համաժողովը, որուն ընթացքին քննարկուեցան Ջաւախքի մէջ առկայ խնդիրները: Համաժողովին մասնակիցները այսօր հանդիպում ունեցան լրագրողներու հետ: Այս մասին կը հաղորդէ panorama.am կայքը:

«Ան միտուած էր ջաւախահայերի հայապահպանութեան գործընթացին նպաստելուն, ինչպէս նաեւ ջաւախահայ երիտասարդութեան հետ տարբեր տեսակի` մշակութային, կրթական ծրագրերի իրականացմանը եւ նրանց առջեւ կանգնած խնդիրների բարձաձայնումը»,-այսօր լրագրողներու հետ հանդիպումի ընթացքին համաժողովին նպատակը ձեւակերպեց «Յանուն կայուն մարդկային զարգացման» հասարակական կազմակերպութեան երիտասարդական թեւի համանախագահ Լիաննա Ներսիսեանը:

«Միջմշակութային երկխօսութեան, ժողովրդավարութեան եւ խաղաղութեան երիտասարդական ակումբ» կազմակերպութեան նախագահ Տիգրան Օհանեանի խօսքով, Հայաստանը հնարաւորութեան չափով պետական աջակցութիւն կը ցուցաբերէ Ջաւախքին, սակայն Ջաւախքը կը գտնուի Վրաստանի կազմին մէջ եւ ջաւախահայութեան խնդիրները պէտք է լուծուին վրացական իշխանութիւններու կողմէ` պէտք չէ արհեստականօրէն սրել Ջաւախքի խնդիրները:

«Վրաստանի հայ համայնք» ՀԿ ներկայացուցիչ Գէորգ Եագուտովի (ան կ’ապրի եւ կը գործէ Վրաստանի մէջ) կարծիքով վիրահայութեան առջեւ ծառացած խնդիրներէն առաւել կարեւորը հայոց լեզուի պահպանութեան հարցն է:
«Շատ երիտասարդներ գալիս են Երեւան` հայերէն լեզուով բարձրագոյն ուսում ստանալու համար: Վիրահայութեան մէկ այլ կարեւոր խնդիր հայկական մշակութային ժառանգութեան պահպանումն է: Պէտք է համագործակցութեան կէտեր ստեղծել Հայաստանի եւ Վրաստանի միջեւ` այդ խնդիրները համատեղ յաղթահարելու համար»,-ըսած է ան:

Վրաստանաբնակ հայ երիտասարդը որոշակի ակնկալիքներ ունի Վրաստանի մէջ տեղի ունեցած իշխանափոխութենէն: Ան նաեւ կոչով դիմած է Հայաստանի իշխանութիւններուն` ցուցաբերուող պետական աջակցութիւնը աւելցնելու համար:

LEAVE A REPLY

Please enter your comment!
Please enter your name here