Ուրուկուէյի Ներկայացուցիչներու Պալատի Նախագահը Հայաստան Պիտի Այցելէ

0
126

ՀՀ ԱԺ նախագահ Յովիկ Աբրահամեանի հրաւէրով այսօր երեկոյեան պաշտօնական այցով Հայաստան պիտի ժամանէ Ուրուկուէյի Արեւելեան Հանրապետութեան Ներկայացուցիչներու պալատի նախագահ Խորխէ Օռիկոյի գլխաւորած պատուիրակութիւնը:

ԱԺ հասարակայնութեան հետ կապերու վարչութեան հաղորդումով՝ Ուրուկուէյի խորհրդարանի ղեկավարը հանդիպումներ պիտի ունենայ ՀՀ Ազգային ժողովի նախագահ Յովիկ Աբրահամեանի, վարչապետ Տիգրան Սարգսեանի, ԱԳ նախարար Էդուարդ Նալպանտեանի, ԱԺ խմբակցութիւններու ներկայացուցիչներու, Հայաստան- Ուրուկուէյ պատգամաւորական բարեկամութեան խումբի անդամներուն հետ:

 

Նախատեսուած է պարոն Օռիկոյի ելոյթը Ազգային ժողովի նիստի ընթացքին: Երեւանի Պետական Համալսարանին մէջ Ուրուկուէյի Ներկայացուցիչներու պալատի նախագահը պիտի հանդիպի ԵՊՀ ուսանողներու եւ դասախօսական կազմին հետ:

LEAVE A REPLY

Please enter your comment!
Please enter your name here