Ցեղասպանութեան Զոհերու Գոյքը Յանձուած Է Ճեմալ Փաշայի Ընտանիքի Անդամներուն. Թուրք Պատմաբան

0
147

Թուրքիոյ մէջ Հայոց Ցեղասպանութեան հեղինակներէն մէկուն` Ճեմալ փաշայի թորան կողմէ հրապարակուած «1915. Հայոց ցեղասպանութիւն» վերնագիրով գիրքին համար իր առարկութիւնը ներկայացուցած է Haberturk պարբերականի լրագրող, Օսմանեան կայսրութեան կործանման վերջին շրջանի հետազօտութիւններով յայտնի Մուրատ Պարթաքչըն: Այս մասին կը հաղորդէ new.am կայքը:

Մուրատ Պարթաքչը Haberturk-ի մէջ կը գրէ, թէ Իթթիհատ վէ Թերաքիի առաջնորդներէն Ճեմալ փաշայի թոռը` Հասան Ճեմալը 1915-ի վերաբերեալ իր գիրքին մէջ մոռցած է կամ չի գիտեր, որ 1927-ին Աթաթուրքը յատուկ որոշումով հայերէն բռնագրաւած ունեցուածքէն մաս մը յանձնած է Ճեմալ փաշայի ընտանիքի անդամներուն՝ իբրեւ փոխհատուցում Ճեմալի սպանութեան:

Մուրատ Պարտաքչըն ներկայացուցած է նաեւ Ճեմալ փաշայի դին Թիֆլիսի դիահերձարանին մէջ եւ փաստաթուղթ մը, որ կը հաստատէ՝ հայազգի Վիգէն Հոքուչեանի գոյքի յանձնումը Ճեմալ փաշայի ընտանիքին:

Նշենք, որ Ճեմալ փաշայի թորան` Հասան Ճեմալի «1915. Հայոց Ցեղասպանութիւն» գիրքը մեծ արձագանգ գտած է Թուրքիոյ մէջ:

Հասան Ճեմալ տարիներ առաջ այցելած է Երեւանի Հայոց Ցեղասպանութեան յուշահամալիր եւ ներողութիւն խնդրած է հայերէն:

LEAVE A REPLY

Please enter your comment!
Please enter your name here