Փարիզի Մէջ Կայացած է Սերժ Սարգսեանի եւ Ֆրանսուա Հոլանտի Հանդիպումը

0
138

 Ելիսէյեան պալատի մէջ կայացած է Հայաստանի եւ Ֆրանսայի նախագահներ Սերժ Սարգսեանի եւ Ֆրանսուա Հոլանտի հանդիպումը:

Նախագահական պալատի մէջ դիմաւորման պաշտօնական արարողութենէն ետք մեկնարկած է եռօրեայ պաշտօնական այցով Ֆրանսա ժամանած Նախագահ Սերժ Սարգսեանի Ֆրանսուա Հոլանտի առանձնազրոյցը:

Ծրագրուած են նաեւ ՀՀ Նախագահի հանդիպումները վարչապետ Ժան-Մարք Էրոյի, Ազգային ժողովի նախագահ Գլոտ Պարթոլոնի եւ Ֆրանսայի Ազգային ժողովի եւ Ծերակոյտի Ֆրանսա-Հայաստան բարեկամութեան պատգամաւորական խումբերու անդամներուն հետ:

Պաշտօնական այցի ծիրէն ներս Նախագահ Սերժ Սարգսեան պիտի այցելէ նաեւ Լիոն, ուր հանդիպում պիտի ունենայ քաղաքապետ, ծերակուտական Ժեռար Գոլոմպի հետ, այնուհետեւ Ֆրանսայի խոշորագոյն արդիւնաբերական շրջաններ-h մէկուն` Ռոն-Ալփ շրջանի առեւտրաարդիւնաբերական պալատի մէջ կը հանդիպի Ֆրանսայի գործարար համայնքի ներկայացուցիչներուն հետ:Հայ-ֆրանսական բարեկամական յարաբերութիւնները կը շարունակեն զարգանալ: Հայաստան եւ Ֆրանսա յաջողութեամբ կը համագործակցին բոլոր ոլորտներէն ներս:

Հայաստանի եւ Ֆրանսայի միջեւ իրաւապայմանագրային դաշտը զարգացած է`  ընդգրկելով տասնեակ յուշագիրներ,  համաձայնագիրներ եւ արձանագրութիւններ: Առեւտրատնտեսական յարաբերութիւնները շարունակ կը խորանան, որուն վկայութիւնն է բազմաթիւ համատեղ ձեռնարկութիւններու առկայութիւնը: Հայաստանի եւ Ֆրանսայի միջեւ ապրանքաշրջանառութեան ծաւալները 2011 թուականին կազմած են`  արտահանում`  9,6 միլիոն տոլար, ներմուծում` 82,4 միլիոն տոլար:

Հայաստանի Հանրապետութեան եւ Ֆրանսայի Հանրապետութեան միջեւ դիւանագիտական յարաբերութիւնները հաստատուած են 1992 Փետրուար 24-ին: 2009-ի Հոկտեմբեր 2-ին Ֆրանսայի մէջ ՀՀ արտակարգ եւ լիազօր դեսպան նշանակուած է Վիգէն Չիտեչեան: 2010-ի Նոյեմբեր 5-ին Հայաստանի մօտ Ֆրանսայի Հանրապետութեան արտակարգ եւ լիազօր դեսպան Անրի Ռենոն իր հաւատարմագիրերը յանձնած է ՀՀ Նախագահ Սերժ Սարգսեանին:

LEAVE A REPLY

Please enter your comment!
Please enter your name here