Եւրոմիութիւնը Թուրքիոյ Կոշտ Յայտարարութիւն Յղած Է

0
111

Թուրքիոյ մէջ մահապատժի վերականգնման քննարկումներ կ’ընթանան: Այդ առնչութեամբ Եւրոմիութիւնը կոշտ յայտարարութիւն յղած է: Այս մասին կը տեղեկացնէ yerkir.am-ը՝ վկայակոչելով SalamNews-ը:

ԵՄ արտաքին յարաբերութիւններու եւ անվտանգութեան քաղաքականութեան եւրոյանձնակատար Գաթրին Աշթընի մամուլի քարտուղար Մայա Քոսեանչիչ յայտարարած է, որ մահապատժի վերականգնումը անհնար է: «Նման երկիրը չի կրնար ընդգրկուիլ ԵՄ կազմին մէջ: Մահապատժէն հրաժարիլը Թուրքիոյ յաջող քայլերէն մէկն էր ԵՄ անդամակցութեան ճանապարհին: ԵՄ-ի համար մահապատժի բացակայութիւնը կարեւոր պահ է մարդու իրաւունքներու համար: Ատիկա մեր ծրագրի յենասիւներէն է: Հետեւաբար` այդ պահաջին պէտք է հետեւին ոչ միայն ԵՄ երկիները, այլեւ կարողական անդամները»,- յայտարարած է ան` յիշեցնելով, որ Թուրքիան Եւրոպայի խորհուրդի անդամ է:

Թուրքիոյ վարչապետ Ռեճէպ Թայիփ Էրտողան յայտարարած է, որ ահաբեկիչներու եւ սպանութիւններու համար պայմաններ ստեղծող անձերու նկատմամբ հնարաւոր է` դարձեալ մահապատիժ կիրառուի: «Շատ երկիրներու մէջ մահապատիժ կը կիրառուի: Մահուան դատավճիռ կայ խոշոր պետութիւններու մէջ ` ԱՄՆ-ի, Ռուսաստանի, Չինաստանի: Եթէ ան չի կիրառուիր ԵՄ-ի մէջ, ատիկա չի նշանակեր, որ մենք պէտք է հրաժարինք հազարաւոր անմեղ մարդոց սպանողները պատժելէն»,- նշած է ան:

 

 

LEAVE A REPLY

Please enter your comment!
Please enter your name here