Հայաստան Յոյսեր Չունի, Որ Ատրպէյճան Կ’որդեգրէ Կառուցողական Դիրքորոշում

0
118

Հայաստան յոյսեր չի փայփայեր, որ Ատրպէյճան կառուցողական դիրքորոշում որդեգրէ ԼՂ կարգաւորման հարցով: Այս մասին յայտարարած է Հայաստանի նախագահ Սերժ Սարգսեան` Փարիզի մէջ ՙՖիկարօ՚ թերթին տուած հարցազրոյցի ընթացքին: Այս մասին կը յայտնէ News.am-ը։

Անոր խօսքով, Հայաստանի եւ Ատրպէյճանի ԱԳ նախարարներու միջեւ վերջերս Փարիզի մէջ  կայացած հանդիպումը պէտք է ցուցադրեր խաղաղ կարգաւորման բանակցութիւնները շարունակելու կողմերու համաձայնութիւնը` գոյութիւն ունեցող բանակցային գործընթացի շրջանակներուն մէջ: «այդուհանդերձ, այդ հանդիպումը նոր յոյսեր չտուեց»,-ըսած  է Սերժ Սարգսեան:

Ան  նշած  է, որ Պաքու  կը հրաժարի ընդունելու  միջազգային միջնորդներու առաջարկած սկզբունքները՝ իբրեւ բանակցութիւններու հիմք: Հակառակը, Ատրպէյճանի ղեկավարութիւնը կը  կարծէ, որ կարելի է մէկ անգամէն պայմանաւորուիլ խաղաղ համաձայնութեան՝  չպայմանաւորուիլ հիմնարար սկզբունքներու շուրջ:

«սակայն խաղաղ համաձայնութիւնը կարող է կենսունակ լինել միայն եթէ այն հիմնուած է յստակ սկզբունքների վրայ, որոնք ընդունելի են բոլորի համար»,-ընդգծել է նախագահ Սերժ Սարգսեանը:

Ան նշած  է, որ հակառակ Ատրպէյճանի իշխանութիւններուն գործողութիւններուն, որոնք  կը փառաբանեն հայ սպային կացինահարող ատրպէյճանցի զինծառայողը, Հայաստան պատրաստ է այսուհետ եւս  կատարել կարելին` ԼՂ հարցով  խաղաղ կարգաւորման հասնելու համար:

 

LEAVE A REPLY

Please enter your comment!
Please enter your name here