Հայ Դատի Յանձնախումբը Կը Յորդորէ ԱՄՆ ԱԳ Նախարարին Աջակցիլ Սուրիոյ Քրիստոնեաներուն

0
130

ԱՄՆ-ի Հայ դատի յանձնախումբը կը յորդորէ կոչով դիմել Միացեալ Նահանգներու արտաքին գործոց նախարարութեան` սուրիահայերուն եւ Սուրիոյ քրիստոնեաներուն օգնելու համար: Ըստ «Արմէնփրէս»-ին` Հայ դատի յանձնախումբը կոչ ըրած է օգտուիլ ընձեռուած առիթէն եւ նամակ յղել Միացեալ Նահանգներու իշխանութիւններուն, մասնաւորապէս, ԱԳ նախարար Հիլարի Քլինթընին` պահանջելով օգնել Սուրիոյ քրիստոնեաներուն:

ԱՄՆ արտաքին գործոից նախարար Քլինթընին նամակ յղելու համար յանձնախումբը ստեղծած է համակարգ, ուր իւրաքանչիւրը կրնայ արձանագրուիլ, յանձնախումբին կողմէ պատրաստուած բնագիրին տակ իր գրառումը կատարելու համար:

Հիլարի Քլինթընին ուղղուած նամակին մէջ կոչ կը կատարուի հրապարակայնօրէն վերահաստատել ԱՄՆ-ի կրօնական հանդուրժողականութեան պաշտպանութեան քաղաքականութիւնը, ինչպէս նաեւ աւելցնել` Սուրիոյ բոլոր կողմերուն կոչ ընել՝ ձեռնպահ մնալ ահաբեկչական գործողութիւններէ եւ կրօնական փոքրամասնութիւններու դէմ իրականացուող սպառնալիքներէ:

Յանձնախումբը կոչ կ’ընէ գործել հիմա, ատով իսկ ամրապնդելով կրօնական փոքրամասնութիւններու համար իրականացուող օգնութեան ջանքերը:

«Սուրիոյ քրիստոնեաները, որոնք այդ երկրին մէջ արագ թափ առած հակամարտութեան չէզոք կողմերն ու անմեղ զոհերն են, յայտնուած են հակամարտող կողմերու արիւնալի բախումներու խաչմերուկին վրայ: Շատ հայեր եւ այլ քրիստոնեաներ առեւանգուեցան եւ սպաննուեցան, եկեղեցիները վնասուեցան, շատեր գործազուրկ դարձան, դպրոցները փակուեցան եւ տուները քանդուեցան: Շատերը ստիպուած եղան լքելու իրենց տուներն ու փախչելու երկրէն, միւսները, ապրելով անմխիթար   պայմաններու մէջ, ստիպուած են կրելու բազմաթիւ զրկանքներ»,-նշուած է յանձնախումբի յայտարարութեան մէջ:

 

LEAVE A REPLY

Please enter your comment!
Please enter your name here