Չինաստանի Կողմէ Հայաստանին «Երաշխաւորուած Զբօսաշրջային Երկիր» Կարգավիճակ Տալու Գործընթացը Մեկնարկած Է

0
140

 Հայաստանը սկսած է կարգ մը երկիրներու հետ բանակցութիւններ վարել` զբօսաշրջութեան ոլորտի մէջ համաձայնագիրներ ստորագրելու ուղղութեամբ: Այս մասին՝ ըստ «Արմենփրես»-ի՝ Նոյեմբեր 13-ին լրագրողներու հետ հանդիպման ժամանակ նշած է ՀՀ տնտեսութեան նախարարի տեղակալ Արա Պետրոսեան: Նախարարութիւնը բաւական աշխոյժ կ’աշխատի իրաւական դաշտի կատարելագործման եւ իրաւապայմանագրային դաշտի ձեւաւորման ուղղութեամբ:  «Արդեն մեկնարկել ենք Չինաստանի կողմից չինական զբօսաշրջային շուկայի համար Հայաստանին «երաշխաւորուած զբօսաշրջային երկիր» կարգավիճակ ստանալու գործընթացը»,- ըսած է փոխնախարարը` աւելցնելով, որ Չինաստանի հետ համագործակցութիւնը շատ բուռն ձեւով կ’իրականացուի:

Մշակուած եւ համաձայնեցման փուլին մը գտնուի զբօսաշրջութեան բնագաւառին մէջ համագործակցութեան վերաբերեալ համաձայնագրերու նախագիծեր Չինաստանի Ժողովրդական Հանրապետութեան, Եգիպտոսի, Սրի Լանքայի, Քաթարի, Յորդանանի եւ Սպանիոյ հետ: «Ես երկար ժամանակ է, ինչ այս ոլորտով եմ զբաղւում, եւ միանգամից այսքան երկրի հետ միաժամանկ բանակցութիւններ չեն եղել»,- ընդգծած է Արա Պետրոսեան:

Մշակուած է եւ շուտով ՀՀ կառավարութեան քննարկման կը ներկայացուի «Գիւմրի քաղաքին մէջ զբօսաշրջութեան զարգացման ծրագիրը հաստատելու մասին» ՀՀ կառավարութեան որոշման նախագիծը:

LEAVE A REPLY

Please enter your comment!
Please enter your name here