Ըստ Ամերիկացի Դեսպանին՝ Մինսկի Խմբակը Պիտի Քննէ Արցախի Տագնապի Կարգաւորման Նոր Քայլերը

0
100

Երեքշաբթի, 13 Նոյեմբերին, Ատրպէյճանի մօտ Միացեալ Նահանգներու դեսպան Ռիչըրտ Մորնինկսթար յայտարարեց, թէ այս ամիս տարածաշրջան այցելութեան ընթացքին, ԵԱՀԿ Մինսքի խմբակի համանախագահները պիտի քննարկեն նոր քայլեր, որոնք կրնան նպաստել Լեռնային Ղարաբաղի հակամարտութեան խաղաղ կարգաւորման հարցով յառաջընթաց ապահովելու ջանքերուն:
Ան աւելցուցած է, թէ Մինսկի խմբակը միշտ գործօն մասնակցութիւն բերած է տագնապի խաղաղ կարգաւորման ջանքերուն, սակայն անոր գործունէութիւնը աշխուժացած է յատկապէս վերջին քանի մը շաբաթներուն:
Յիշեցնենք, որ 27 Հոկտեմբերին, Փարիզի մէջ Հայաստանի արտաքին գործոց նախարար Էտուարտ Նալպանտեան հանդիպած էր ԵԱՀԿ Մինսքի խմբակի համանախագահներուն եւ ԵԱՀԿ գործող նախագահի անձնական ներկայացուցիչին հետ: Այնուհետեւ հանդիպումը շարունակուած էր Ատրպէյճանի արտաքին գործոց նախարար Էլմար Մամետեարովի մասնակցութեամբ: Նախարարներն ու համանախագահները պայմանաւորուած էին շարունակել քննարկումները՝ Նոյեմբերին համանախագահներու տարածաշրջան այցելութեան ընթացքին:

LEAVE A REPLY

Please enter your comment!
Please enter your name here