Ատրպէյճանի Որոշ Քայլեր Երկու Երկիրներու Միջեւ Երկխօսութեան Չեն Նպաստեր. Լաթվիոյ ԱԳ Նախարար

0
124

  Լաթվիոյ Հանրապետութիւնը, ինչպէս նաեւ Եւրոմիութեան բարձրաստիճան ներկայացուցիչները, իրենց խորին մտահոգութիւննը կ’արտայայտեն Ատրպէյճանի մէջ ոճրագործ Ռամիլ Սաֆարովին ներում շնորհելուն վերաբերեալ: Ըստ «Արմենփրես»-ի՝ Նոյեմբեր 15-ին լրագրողներու հետ հանդիպման ժամանակ այս մասին նշած է Լաթվիոյ Հանրապետութեան արտաքին գործոց նախարար Էտկարս Ռինքեւիչս: «Երբ այդ միջադէպը տեղի ունեցաւ մենք Վիլնիւսի մէջ Սկանտինաւեան եւ Պալթեան երկիրներու ժողով կազմակերպեցինք, եւ այդ առնչութեամբ յայտարարութիւն ունեցանք: Կը կարծեմ` այդպիսի քայլերը այս խրթին իրավիճակի մէջ չեն նպաստեր երկու երկիրներու միջեւ երկխօսութեան»,- ըսած է նախարարը: Լաթվիացի նախարարին խօսքով` երբ կարգը կը հասնի արտաքին քաղաքականութեան համակարգումին, իրենք սերտօրէն կը համագործակցին սկանտինաւեան եւ պալթեան, ինչպէս նաեւ եւրոպական գործընկերներու հետ, ուստի կրնան նշել, որ լուրջ կ’ընդունուի այդ հարցը:

19 Փետրուար 2004-ին Պուտափեշտի մէջ ատրպէյճանցի ոճրագործ սպայ Ռամիլ Սաֆարով կացինահարեց Հայաստանի ԶՈՒ սպայ Գուրգէն Մարգարեանը քնացած պահուն: Երկու սպաները Հունգարիոյ մայրաքաղաքին մէջ կը մասնակցէին անգլերէն լեզուի դասընթացներուն ՆԱԹՕ-ի ծրագրի ծիրէն ներս: Հունգարիոյ դատարանը ցմահ բանտարկութեան դատապարտեց Ռամիլ Սաֆարովը առանց ներման իրաւունքի առաջին 30 տարիներուն: 31 Օգոստոս 2012-ին Հունգարիա Ատրպէյճանին արտայանձնեց ոճրագործը: Նախագահ Իլհամ Ալիեւ ներում շնորհեց Սաֆարովին, մայորի կոչում շնորհեց եւ հերոսացուց:

LEAVE A REPLY

Please enter your comment!
Please enter your name here