Թուրքիան Քաղաքական Բռնութիւններու Առումով Աշխարհի Մէջ 5-րդ Է

0
114

Թուրքիոյ գլխաւոր ընդդիմադիր Ժողովրդահանրապետական կուսակցութեան (ԺՀԿ) փոխնախագահ Շաֆաք Փաւէյ յայտարարած է, որ քաղաքական բռնութիւններու առումով Թուրքիան աշխարհի մէջ 5-րդ տեղը կը գրաւէ: Այս մասին, ըստ «Արմենփրես»-ի՝ կը յայտնէ թրքական «Հիւրիէթ» թերթը:

Աշխատանքային վթարներու եւ քաղաքական բռնութիւններու պատճառով մահացածներու հետ կապուած՝ թրքական խորհրդարանին մէջ կազմակերպուած մամլոյ ասուլիսի ժամանակ կուսակցութեան փոխնախագահը ափսոսանք յայտնած է, որ Թուրքիոյ մէջ քաղաքական բռնութիւնները երթալով աւելի կը շատնան: «Աշխարհի ամենաբախումնալի տարածաշրջաններէն Աֆղանիստանի մէջ քաղաքական բռնութիւններու պատճառով 2010-ին եօթ քաղաքացի սպաննուած է, իսկ 2011-ին այդ թիւը նուազած է  հինգի: Ցաւալի է, որ քաղաքական բռնութիւններու առումով 2011 -ին Թուրքիան աշխարհի մէջ կը զբաղեցնէր 11-րդ տեղը, իսկ 2012 -ի Օգոստոսին, այն արդէն իջած է 5-րդ տեղը», -ըսած է ընդդիմադիր պատգամաւորը:

 

LEAVE A REPLY

Please enter your comment!
Please enter your name here