Հայաստան Զինուորական Խորհրդատու Եւ Ներկայացուցիչ Պիտի Ունենայ ՄԱԿ-ի Եւ ՀԱՊԿ-ի Մօտ

0
109

Նոյեմբեր 15-ի նիստին կառավարութեան որոշումներով ստեղծուած են Միաւորուած Ազգերու Կազմակերպութեան մէջ ՀՀ ներկայացուցչութեան զինուորական խորհրդատուի, Հաւաքական Անվտանգութեան Պայմանագրի Կազմակերպութեան մէջ ՀՀ մշտական ներկայացուցչութեան ՀՀ զինուած ուժերու ներկայացուցիչի, Պելառուսի Հանրապետութեան եւ Ֆրանսայի Հանրապետութեան մօտ ՀՀ դեսպանութիւններուն կից  ՀՀ զինուորական կցորդներու հաստիքներ: Այս մասին կը հաղորդէ paramenian.net կայքը:

Նման առաջարկով հանդէս եկած է պաշտպանութեան նախարար Սէյրան Օհանեան: Ըստ Պաշտպանութեան Նախարարութեան  ղեկավարին՝ ռազմական կցորդի առկայութիւնը կ’ընդգծէ, թէ որքանով Հայաստանը կը կարեւորէ համագործակցութիւնը այս կամ այն պետութեան հետ, նոյնիսկ եթէ խոշոր ռազմական ծրագիրներ չեն իրականացուիր:

 

LEAVE A REPLY

Please enter your comment!
Please enter your name here