Մալաթիոյ Հայկական Երկու Եկեղեցիներու Վերանորոգումը Կը Շարունակուի

0
110

  Հրանդ Տինքի ծննդավայրին` Մալաթիոյ Չաւուշօղլու թաղամասին մէջ գտնուող հայկական Ս. Երրորդութիւն եկեղեցւոյ եւ Մալաթիայէն 7 քմ.հեռաւորութեան վրայ գտնուող Վանք գիւղի Ս. Գրիգոր Լուսաւորիչ եկեղեցւոյ վերանորոգման աշխատանքները կը շարունակուին: Այս մասին կը կը տեղեկացնէ news.am-ը՝ վկայակոչելով Պոլսոյ «Ակօս» թերթը: Հայկական եկեղեցիներու վերանորոգման աշխատանքներուն մօտիկէն հետեւող Մալաթիոյ հայերու միութեան նախագահ Խոսրով Քէոլէդաւիթօղլու նշած է, թէ եկեղեցիներու վերանորոգման առաջին փուլով մաքրուած են երկար տարիներու ընթացքին քարերու վրայ նստած հողը եւ բուսականութիւնը:

Մալաթիոյ Ս. Երրորդութիւն եկեղեցին գործած է մինչեւ 1915 թուականը, որմէ ետք մինչեւ 1940 եղած է զինուորական պահեստ, այնուհետեւ մատնուած բախտի քմահաճոյքին, իսկ Վանք գիւղի Ս. Գրիգոր եկեղեցին կը համարուի  5-րդ դարու կառոյց:

Հայկական եկեղեցիները կը վերանորոգուին թրքական պետութեան հովանաւորութեամբ:

LEAVE A REPLY

Please enter your comment!
Please enter your name here