«Made in Armenia». Հայկական Ճարտարագիտութիւնը Կը Ներկայացուի Վրաստանի Մէջ

0
149

  Հայաստանի ճարտարագիտական ոլորտի 21 կազմակերպութիւններու, պետական մարմիններու եւ երիտասարդական նախաձեռնութիւններու մօտ 50 ներկայացուցիչէ բաղկացած հայկական պատուիրակութիւնը ներկայիս կը մասնակցի Վրաստանի մայրաքաղաք Թիֆլիսի մէջ տեղի ունեցող 5-րդ ամենամեայ Տեղեկատուական ճարտարագիտութիւններու տարածաշրջանային ձեռնարկին (GITI): Այս մասին կը տեղեկացնէ Panorama.am-ը:

Տեղեկատուական ճարտարագիտութիւններու Ձեռնարկութիւններու Միութենէն կը  յայտնեն, որ հայկական ՏՃ ոլորտի կազմակերպութիւններու եւ նախաձեռնութիւններու մասնակցութեան նպատակն է խթանել Հայաստանի ՏՀՃ ոլորտի յառաջխաղացումը` իբրեւ յուսալի եւ արդիւնաւէտ միջավայր ներդրողներու համար, ապահովել «Made in Armenia» մակնիշի յառաջխաղացումը, ձեռք բերել նոր գործընկերներ:

Հայկական պատուիրակութեան մասնակցութիւնը ձեռնարկը կը կազմակերպէ եւ կը համակարգէ Տեղեկատուական Ճարտարագիտութիւններու Ձեռնարկութիւններու Միութիւնը (ՏՃՁՄ), աջակիցն է ԱՄՆ ՄԶԳ «Ձեռնարկութիւններու զարգացման եւ շուկայի մրցունակութեան» ծրագիրը (EDMC):

«Համագործակցութիւն մրցունակութեան, նորարարութեան եւ կիբերանվտանգութեան համար” կարգախօսը կրող Տեղեկատուական Ճարտարագիտութիւններու Տարածաշրջանային Միջոցառման նպատակն է ստեղծել եւ խթանել Կեդրոնական եւ Արեւելեան Եւրոպայի, Պալթեան երկիրներու, Կովկասի եւ Միջին Արեւելքի երկիրներու պետական եւ մասնաւոր հատուածներու, ընկերակցութիւններու եւ ՏՀՃ ոլորտի այլ ընկերութիւններու միջեւ համագործակցութիւնը` նպաստելու նորարարութիւնն ու մրցունակութիւնը: Ձեռնարկի կամակերպիչներն են Վրաստանի ՏՀՃ Գործարար Խորհուրդը եւ Վրաստանի Ելեկտրոնային կառավարութեան զարգացման պետական յանձնաժողովը:

Հայկական պատուիրակութեան մէջ ներառուած են X-tech, Gallery Systems, IT Micronetworks, Instigate, Locator, Innovative Greenhouse, Bestsoft, Norma Plus, Armenian Datacom Company, Universal Systems ընկերութիւնները, ինչպէս նաեւ Մայքրոսոֆթ Նորարարական Կեդրոնը, Ձեռնարկութիւններու Ինգուպադոր Հիմնադրամը, Զբօսաշրջութեան եւ Կապի, Տնտեսութեան նախարարութիւններու, երիտասարդ ճարտարագիտական խումբերու ներկայացուցիչներ:

LEAVE A REPLY

Please enter your comment!
Please enter your name here