Աւստրալացի Քաղաքական Գործիչը Բոլոր Պետութիւններուն Կոչ Կ’ընէ Սատարել Արցախի Ինքնորոշման Իրաւունքին

0
335

Աւստրալիոյ Նոր Հարաւային Ուէյլսի օրէնսդիր ժողովի անդամ, Աւստրալիոյ Քրիստոնեայ-դեմոկրատական կուսակցութեան անդամ ֆրետերիք Նիլ իր աջակցութիւնը յայտնած է Լեռնային Ղարաբաղի Հանրապետութեան անկախութեան, կը հաղորդէ panarmenian.net-ը՝ վկայակոչելով Աւստրալիոյ Հայ Դատի յանձնախումբը:

«Ես իմ վճռական աջակցութիւնը կը յայտնեմ Լեռնային Ղարաբաղի Հանրապետութեան ինքնորոշման իրաւունքին եւ կոչ կ’ընեմ բոլոր պետութիւններուն ճանչնալ մարդու այդ հիմնարար իրաւունքը: Մեր այսօրուան գործողութիւնները կրնան կանխել հայերու նոր ցեղասպանութիւնը»,-ըսած է Ֆրետերիք Նիլ:

Հոկտեմբեր 24-ին Աւստրալական Նոր Հարաւային Ուէյլս նահանգի օրէնսդրական խորհուրդը միաձայն բանաձեւ ընդունած է Լեռնային Ղարաբաղի Հանրապետութեան ճանաչման եւ 20 տարի առաջ իր անկախութեան մասին յայտարարած Արցախի ժողովուրդի ինքնորոշման իրաւունքին մասին: Բանաձեւը ներկայացուած է խորհուրդի քննարկման Մարի Ֆիկարոյի կողմէ: Բանաձեւին մէջ կոչ կ’ուղղուի Աւստրալիոյ կառավարութեան ճանչնալ Լեռնային Ղարաբաղի անկախութիւնը եւ ամրապնդել անոր հետ յարաբերութիւնները:

Ընդունուած բանաձեւին մէջ Օրէնսդրական խորհուրդը կը ճանչնայ, մասնաւորապէս, ժողովուրդներու հիմնական իրաւունքը, ներառեալ` ԼՂ ժողովուրդի ինքնորոշման իրաւունքը, կ’ընդգծէ Ղարաբաղի ջանքերը օրինական ընտրութիւններ իրականացնելիւ ճանապարհով ազատ եւ ժողովրդավարական հասարակութիւն ձեւաւորելու ուղղութեամբ, կ’աջակցի Ղարաբաղի ընդգրկման միջազգային հասարակութիւն եւ կոչ կ’ընէ համագործակցիլ միջազգային հանրութեան հետ տարածաշրջանային խնդիրներու լուծման համար, ինչպէս նաեւ, կոչ կ’ընէ սահմանել խաղաղ յարաբերութիւններ եւ շարունակել տնտեսական եւ մարդասիրական աջակցութիւնը Ղարաբաղին:

LEAVE A REPLY

Please enter your comment!
Please enter your name here