Երուսաղէմի Հայոց Պատրիարքարանը Յունուարին Նոր Պատրիարք Պիտի Ընտրէ

0
144

Երուսաղէմի հայկական պատրիարքարանին մէջ Յունուար 23-25 պիտի ընտրեն նոր պարիարք: Այս մասին, ըստ Armenpress.am-ի, յայտնած է Երուսաղէմի պատրիարքի տեղապահ Արիս սրբազան Շիրվանեան:

«Ինչպէս գիտէք, Երուսաղէմի հայոց պատրիարքի մահէն 40 օր ետք պէտք է ընտրեն նոր պատրիարք, սակայն ատիկա չի նշանակեր, որ ընտրութիւնը պէտք է կայանայ անմիջապէս 41-րդ օրը, ուստի պատրիարքարանը որոշած է նոր պատրիարքի ընտրութիւնները իրականացնել Յունուար 23-ին, 24-ին եւ 25-ին»,- տեղեկացուցած է Երուսաղէմի պատրիարքի տեղապահը:

Պատրիարքի ընտրութիւնը կը կատարուի ժողովի միջոցով, որուն ժամանակ կ’ընթանայ գաղտնի քուէարկութիւն, ուր կ’ընդգրկուի հինգ թեկնածուի անուն եւ երկրորդ քուէարկութեամբ հինգէն մէկը կ’ընտրուի պատրիարք:

Յիշեցնենք, որ Երուսաղէմի մէջ Հոկտեմբեր 12-ին վախճանած է Հայոց պատրիարք Ամենապատիւ Տ. Թորգոմ արքեպիսկոպոս Մանուկեանը: 93-ամեայ պատրիարքը 60 տարի նուիրումով ծառայած է հայ եկեղեցւոյ:

LEAVE A REPLY

Please enter your comment!
Please enter your name here