Հայաստանի Հաւաքականը Մինչեւ 23 Տարեկաններու Եւրոպայի Առաջնութեան Նուաճած է Երկու Մետալ

0
122

Փրակի մէջ ընթացող ճիւտոյի մինչեւ 23 տարեկաններու Եւրոպայի առաջնութեան Հայաստանի հաւաքականը նուաճած է երկու մետալ: Այս մասին կը հաղորդէ PanArmenian.net-ը:

Մինչեւ 66 քկ ծանրութեան կարգի մէջ Գոռ Յարութիւնեան ունեցած է չորս մենամարտ եւ հասած եզրափակիչ: Եզրափակիչի մէջ Յարութիւնեան հանդիպած է Վատիմ Շոգային եւ պարտութիւն կրած` նուաճելով արծաթէ մետալ:

Իսկ 81 քկ ծանրութեան կարգի մէջ հանդէս եկող Արտիոմ Պաղտասարեան զբաղեցուցած է 3-րդ հորիզոնականը: Ան նոյնպէս ունեցած է հինգ մենամարտ, սակայն կիսաեզրափակիչին պարտութիւն կրած է եւ չէ կրցած եզրափակիչ հասնիլ: Պրոնզէ մետալի համար պայքարի ընթացքին ան յաղթանակ տարած է Գերմանիան ներկայացնող Հաննէս Գոնրատի նկատմամբ եւ զբաղեցուցած 3-րդ հորիզոնականը:
Եւրոպայի առաջնութեան կը մասնակցի աւելի քան 400 ճիւտոիստ:

 

LEAVE A REPLY

Please enter your comment!
Please enter your name here